"މެސީ"ގެ ކަކޫ ހަލާކުވި މާޒީ އާއި ޓާފުން ދުވާފަރަށް ގެނުވި އުފާވެރިކަން

ދުވާފަރުގެ ރީތި ޓާފު ދަނޑުގައި ފުޓްބޯޅަ ކުޅެނީ

ދުވާފަރުގެ ރީތި ޓާފު ދަނޑުގައި ފުޓްބޯޅަ ކުޅެނީ

ރ. ދުވާފަރުގެ ކުޅިވަރު ދަނޑުގެ ބައެއްގައި ސިންތެޓިކް ޓާފުން ގަދަ ފެހިކަން ގެނެސްދީފައި އޮތް ރީތި ފުޓްބޯޅަ ކޯޓުގެ "ސެންޓަ ސްޕޮޓް" ގައި ހުރެ ފާތުމަތު މިއުޝާ، ނުވަތަ އަތޮޅުގެ އެންމެންގެ މަޝްހޫރު ނަމުން ނަމަ މެސީ، މިވާހަކައެއް ފަށައިގެން ނިންމީ ވެސް މި ދަނޑެއްގެ ވާހަކަ އިންނެވެ. އެއީ އޭނާގެ "ހެޕީ ގްރައުންޑް" އެވެ.

ރީތި ޓާފް ދަނޑެއްގެ ކުލަ އިހަށް ދުވަހު ޖެހުނަސް، އެ ދަނޑުގެ ވެލިގަނޑުގައި އޭނާގެ ލެޔާއި ދަލުގެ ތެތްކަން އަދިވެސް އެބަހުއްޓެވެ. ދަނޑު މެދުގައި ރާޅު ރާޅަށް އުފުލިފައި ހުރި ކުދި ގާތަކުގައި އަޅައިގަނެފައި ވެއްޓޭ ބޮނޑީގައި ކުދިންގެ ރޯ ރުއިމާއި، ވާރެއިން ރެކިގެން ދަނޑުމަތީގައި ބާއްވާ ހަރަކާތްތަކުގައި ބޯ ހިރަފުހުގެ ތެރެއަށް ގަހަނާ ގެއްލުމާއި މިހެން ގޮސް މިކަހަލަ ކިތަންމެ ހާދިސާއެއްގެ ކަޅާއި ހުދުގެ މަންޒަރުތަކެއް އެ ދަނޑުގައި އޭނާ ތަޖުރިބާކުރި މާޒީގެ ހަނދާނުގައި ހަރުލާފައި ވެއްޖެ އެވެ. އެ ހުރިހާ ހަރުކަށި ކަމަކާ އެކު ވެސް، އެންމެ ފޮނި ހުވަފެނުގެ ބިންގާ އޭނާ އެޅީ އެ ދަނޑު މަތީގަ އެވެ. އެއީ އޭނާ އަށް މުހިއްމު ތަނެކެވެ. އޭނާ ފަދައިން ފުޓްބޯޅައިގެ ހުވަފެން ދެކޭ އެރަށުގެ އެތައް ޒުވާނުން ތަކަކަށް އެ ދަނޑު މުހިއްމުކަން ބޮޑެވެ.

މެސީ: އޭނާ އަކީ ފުޓްބޯޅައަށް އާދަޔާ ހިލާފަށް މޮޅު ކުއްޖެއްގެ ގޮތުގައި ދުވާފަރާއި އަތޮޅު ރަށްތަކުގައި ވެސް މަޝްހޫރު ކުއްޖެއް
މެސީ: އޭނާ އަކީ ފުޓްބޯޅައަށް އާދަޔާ ހިލާފަށް މޮޅު ކުއްޖެއްގެ ގޮތުގައި ދުވާފަރާއި އަތޮޅު ރަށްތަކުގައި ވެސް މަޝްހޫރު ކުއްޖެއް

މެސީ: އޭނާ އަކީ ފުޓްބޯޅައަށް އާދަޔާ ހިލާފަށް މޮޅު ކުއްޖެއްގެ ގޮތުގައި ދުވާފަރާއި އަތޮޅު ރަށްތަކުގައި ވެސް މަޝްހޫރު ކުއްޖެއް

Advertisement

"ދަނޑުގައި ޓާފް އެޅިގެން ދިޔައިމަ އެއީ އަޅުގަނޑުމެންގެ އުންމީދު އާވާ ކަމެއް. އެ ދަނޑު މަތިން ފުޓްބޯޅައިގެ ކެރިއަރު ފަށައިގެން ރަށާއި އަތޮޅު ފެންވަރުގައި ގިނަ ކާމިޔާބީތަކެއް އަޅުގަނޑަށް ލިބިއްޖެ. ޓާފް ދަނޑާއެކު ދެން އިރާދަކުރެއްވިއްޔާ އަމާޒު ކުރާނީ ގައުމީ ފެންވަރުގެ ކުޅުންތެރިއަކަށް ވާން،" ދުވާފަރާއި އަތޮޅު މުބާރާތްތަކުން ވެސް އެއްވަނަ ހޯދަމުން އަންނަ ވިހި އަހަރުގެ އަންހެން ފުޓްބޯޅަ ކުޅުންތެރިޔާ މެސީ ބުންޏެވެ.

ދުވާފަރުގެ މައި ދަނޑު
ދުވާފަރުގެ މައި ދަނޑު

:ދުވާފަރުގެ މައި ދަނޑު: ގަލޮޅު ދަނޑަށް ވުރެ ޖާގަ ބޮޑު މި ދަނޑުގެ ބައެއްގައި ޓާފް އެޅިގެން ދިއުމަކީ ރަށުގެ ޒުވާމުންނަށް ލިބުނު ބޮޑު އުފަލެއް

"އަޅުގަނޑު ހަނދާންވޭ ދަނޑުގެ ބިންގަނޑު އެކި ގޮތް ގޮތަށް އޮންނާތީ ކުޅޭ އިރު ވަރަށް އަނިޔާ ވާނެ. ވެއްޓި ކަކޫ ހަލާކުވާ ކޮންމެ ފަހަރަކު ނުކުޅެވި ހަފްތާއެއް ވަރު ދާނެ."

ސްކޫލް ދައުރުއްސުރެ ފުޓްބޯޅަ ކުޅެންފެށި ގޮތަށް ހަފްތާ ބަންދު ތަކުގައި ވެސް ދަނޑަށް ފުޓްބޯޅަ ކުޅެންދާ މެސީ އުފާވަނީ އެ ޓާފް ދަނޑާ އެކު އޭނާ އަށް ރަށުގައި ހުރެގެން އުންމީދުކުރާ ފެންވަރަށް ޕްރެކްޓިސްކުރެވޭނެ މަގު ފަހިވެގެން ދިޔައިމަ އެވެ.

މާޝާ މުހައްމަދު:  ގައުމީ ފެންވަރުގެ ފުޓްބޯޅަ ކުޅުންތެރިއަކަށް ވުމުގެ އަޒުމުގައި ހުރި 22 އަހަރުގެ މާޝާ އަށް ވެސް ލިބިފައިވަނީ ދަނޑުގައި ޓާފް އެޅުމުން ބޮޑު އުފަލަކާއި ހިއްވަރެއް
މާޝާ މުހައްމަދު: ގައުމީ ފެންވަރުގެ ފުޓްބޯޅަ ކުޅުންތެރިއަކަށް ވުމުގެ އަޒުމުގައި ހުރި 22 އަހަރުގެ މާޝާ އަށް ވެސް ލިބިފައިވަނީ ދަނޑުގައި ޓާފް އެޅުމުން ބޮޑު އުފަލަކާއި ހިއްވަރެއް

މާޝާ މުހައްމަދު: ގައުމީ ފެންވަރުގެ ފުޓްބޯޅަ ކުޅުންތެރިއަކަށް ވުމުގެ އަޒުމުގައި ހުރި 22 އަހަރުގެ މާޝާ އަށް ވެސް ލިބިފައިވަނީ ދަނޑުގައި ޓާފް އެޅުމުން ބޮޑު އުފަލަކާއި ހިއްވަރެއް

އެކަމަކު މި އުފާވެރިކަން 4500 އަށްވުރެ ގިނަ މީހުންގެ ރައްޔިތެއް އޮންނަ ދުވާފަރުގައި އީދެއް ހެން ފާހަގަކުރާ މާ ބޮޑު އެހެން ސަބަބެއް އެބަ އޮތެވެ.

އަބްދުއްސަލާމް ސާ: އޭނާގެ ނަޒަރުގައި ރަށުން މިހާރަށްވުރެ މާ މޮޅެތި ފުޓްބޯޅަ ކުޅުންތެރިން ތަކެއް ޓާފް ދަނޑުތަކާ އެކު އުފެދިގެންދާނެ
އަބްދުއްސަލާމް ސާ: އޭނާގެ ނަޒަރުގައި ރަށުން މިހާރަށްވުރެ މާ މޮޅެތި ފުޓްބޯޅަ ކުޅުންތެރިން ތަކެއް ޓާފް ދަނޑުތަކާ އެކު އުފެދިގެންދާނެ

އަބްދުއްސަލާމް ސާ: އޭނާގެ ނަޒަރުގައި ރަށުން މިހާރަށްވުރެ މާ މޮޅެތި ފުޓްބޯޅަ ކުޅުންތެރިން ތަކެއް ޓާފް ދަނޑުތަކާ އެކު އުފެދިގެންދާނެ

"ބޮޑު ދަނޑުގެ ޓާފް އެޅުން ހަމަޖެހިގެން، އެ ޓާފް ރަށާ ހަމައަށް އައި އިރު ރަށުގެ ޕްރައިމަރީ ސްކޫލާއި ސެކަންޑްރީ ސްކޫލުގެ ގޯތިތެރޭގައި އޮންނަ ޕްލޭ ގްރައުންޑް ގައި ވެސް ޓާފް އެޅޭނެ މަގު ހަމަޖެހިގެން އެ ޓާފް ވެސް ލިބުނު،" ރަށު ޕްރައިމަރީ ސްކޫލްގެ ހިންގުމާ ހަވާލުވެގެން ހުންނެވި މުހައްމަދު އަނީސް ވިދާޅުވި އެވެ.

ރީތި ދަނޑަކާ އެކު އަނީސްގެ ދަރިވަރުންނަށް ސްކޫލު މިހާރު ރައްކާތެރި މާހައުލަކަށް ބަދަލުވެއްޖެ އެވެ. ސްކޫލުން ބާއްވާ ކޮންމެ ހަރަކާތެއް ރަށުގެ އެކި ތަންތާނގައި ބޭއްވުމުގެ ބަދަލުގައި ގޯތީގައި އޮތް ރީތި ޓާފް ބިންކޮޅުގައި ދެން ބޭއްވޭނެ އެވެ. ނާސަރީ އެލްކޭޖީ ކުދިން ބިންމައްޗަށް ވެއްޓި އަނިޔާވެދާނެތީ ޓީޗަރުން އަބަދު ފާޅުކުރާ ކަންބޮޑުވުންތައް ދެން ނިމުމަކަށް އަންނާނެ އެވެ.

ޕްރައިމަރީ ސްކޫލްގެ މިނީ ޓާފް ދަނޑު: މި ދަނޑާއެކު ސްކޫލް މާހައުލު ތުއްތު ކުދިންނަށް ރައްކާތެރި ތަނަކަށް ބަދަލުވެފައިވާކަން އެކްޓިން ޕްރިންސިޕަލް ފާހަގަކުރެއްވި
ޕްރައިމަރީ ސްކޫލްގެ މިނީ ޓާފް ދަނޑު: މި ދަނޑާއެކު ސްކޫލް މާހައުލު ތުއްތު ކުދިންނަށް ރައްކާތެރި ތަނަކަށް ބަދަލުވެފައިވާކަން އެކްޓިން ޕްރިންސިޕަލް ފާހަގަކުރެއްވި

ޕްރައިމަރީ ސްކޫލްގެ މިނީ ޓާފް ދަނޑު: މި ދަނޑާއެކު ސްކޫލް މާހައުލު ތުއްތު ކުދިންނަށް ރައްކާތެރި ތަނަކަށް ބަދަލުވެފައިވާކަން އެކްޓިން ޕްރިންސިޕަލް ފާހަގަކުރެއްވި

ދެ ސްކޫލުގެ ތެރެއިން ޕްރައިމަރީ ސްކޫލުގެ އިމާރާތްތަކުގެ މެދުގައި ހުސްކޮށް އޮތް ބިމުގައި އަޅާފައި އޮތީ ޕްރޮޕޯޝަން ހަމަވާ މިނީ ޓާފް ދަނޑެކެވެ. ސެކަންޑްރީ ސްކޫލުގެ ދަނޑު މިނީ ދަނޑަކަށްވުރެ ބޮޑެވެ. އެކަމަކު އާދައިގެ ފުޓްސަލް ދަނޑަކަށްވުރެ ކުޑަ އެވެ.

ރަށްރަށުގެ ސްކޫލު ތަކުގައި ޓާފް ދަނޑު އެޅުމަކީ އާންމުކަމެއް ނޫނެވެ. މިހާރު ވެސް ގޯތި ތެރޭގައި ޓާފް އަޅާފައިވާ ސްކޫލުތައް އަތޮޅުތެރޭގައި މަދެވެ.

"ފަހަރުގައި ހިތަށް އަރާފާނެ ޓާފް ދަނޑެއް ލިބިގެން މިހާ އުފާ ކުރަންވީ ސަބަބެއް ކޮބައިހޭ. އަޅުގަނޑުމެން ވަރަށް އިންތިޒާރު ކޮށް ކޮށް ތިއްބައި ތިން ދަނޑުގެ ޓާފް އެއްކޮށް ހަމަޖެހިގެން މި ދިޔައީ. މިއީ ދުވާފަރަށް ލިބޭ ތަރައްގީ އެއް. އުންމީދެއް. ރަށަށް އަންނަ ކޮންމެ ތަރައްގީ އަކީ އުފަލެއް،" ސްކޫލްގެ ޓާފް އެޅުމުގެ މަސައްކަތުގައި އުޅުއްވި އެ ސްކޫލްގެ ޓީޗަރު ހުސައިން މުހައްމަދު ބުންޏެވެ.

ކުރިން ފަސްޓް ޑިވިޝަނަށް ކުޅުނު އިބްރާހިމް މުހައްމަދު: އޭނާ ދެކޭ ގޮތުގައި ފުޓްބޯޅައަށް ރަށުގައި ޒުވާނުނ ް ބިނާކުރުމަށް މި ދަނޑުތަކާ އެކު ގިނަ ފުރުސަތުތަކެއް ފަހިވެގެން ދާނެ
ކުރިން ފަސްޓް ޑިވިޝަނަށް ކުޅުނު އިބްރާހިމް މުހައްމަދު: އޭނާ ދެކޭ ގޮތުގައި ފުޓްބޯޅައަށް ރަށުގައި ޒުވާނުނ ް ބިނާކުރުމަށް މި ދަނޑުތަކާ އެކު ގިނަ ފުރުސަތުތަކެއް ފަހިވެގެން ދާނެ

ކުރިން ފަސްޓް ޑިވިޝަނަށް ކުޅުނު އިބްރާހިމް މުހައްމަދު: އޭނާ ދެކޭ ގޮތުގައި ފުޓްބޯޅައަށް ރަށުގައި ޒުވާނުނ ް ބިނާކުރުމަށް މި ދަނޑުތަކާ އެކު ގިނަ ފުރުސަތުތަކެއް ފަހިވެގެން ދާނެ

އެ މަސައްކަތުގައި އިސްކޮށް ތިބީ ދާއިރާގެ މެންބަރު އިސްމާއިލް އަހުމަދާއި ކައުންސިލާއި ރަށުގެ ޒުވާނުންނެވެ. އެހީ ދިން ކުންފުނިތަކުގެ ތެރޭގައި ހިމެނެނީ އެމްޑަބްލިޔުއެސްސީ އާއި އެމްޓީސީސީ އެވެ.

ހުސެން ބުނީ، ދުވާފަރުގައި ފުޓުބޯޅައަށް ލޯބިކުރާ ބޮޑު ޒުވާން ޖީލެއް އެބަ އޮތް ކަމަށެވެ. އެ ރަށަކީ ޒުވާނުން ގިނަ ރަށަކަށް ވާތީ ދަނޑުތަކާ އެކު ފުޓްބޯޅައިގައި ގައުމަށް ނަން ހޯދައިދޭނެ ވަރުގެ ޖޯޝު ހުރި ޒުވާނުންތަކެއް އުފެއްދިދާނެ ކަމުގެ އުންމީދު ބޮޑުކޮށް އެބައޮތް ކަމަށެވެ.

ހުސެން އެ ބުނީ ތެދެކެވެ. ރަށަށް އަންނަ ކޮންމެ ތަރައްގީ އަކީ އުފަލެކެވެ. އެ އުފަލުގެ އަސްލު ޖަޒުބާތުތައް ދުވާފަރުން ފެންނާނީ ރަށުގެ މޮނިޓަރިން އުވި މައި ދަނޑުގައި ކުޅުންތެރިން ހަރަކާތްވެލުމުންނެވެ. ސްކޫލުތަކަށް ކުދިން ނިކުމެ ރަށުތެރެ އަށް ދިރުމެއް ލިބުމުންނެވެ.

އޭރުން ތިން ޓާފް ދަނޑާ އެކު ދުވާފަރަށް "އީދެއް" އަންނާނެ އެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox