މެޓަބޮލިޒަމް އާ ބެހޭގޮތުން މިހާރު އެނގެނީ ރަނގަޅު މައުލޫމާތަށް ނުވެދާނެ!

މެޓަބޮލިޒަމް އާ ބެހޭގޮތުން މިހާރު އެނގެނީ ރަނގަޅު މައުލޫމާތަށް ނުވެދާނެ!

މެޓަބޮލިޒަމް އާ ބެހޭގޮތުން އާންމުކޮށް ގަބޫކުރާ ގަބޫލުކުރުންތަކެއް ހުރެ އެވެ. މީހެއްގެ އުމުރުން 20 އަހަރަށް އެޅުމާ އެކު ހަށިގަނޑުގެ މެޓަބޮލިޒަމް ރޭޓް ސްލޯވެ، ބަރުދަން އިތުރުވާން ފައްޓަ އެވެ. ހާއްސަކޮށް މެދު އުމުރަށް އެޅޭ ހިސާބުން މި ބަދަލެއް އާދެ އެވެ. އަންހެނުންގެ މެޓަބޮލިޒަމް ފިރިހެނުންނަށް ވުރެ ލަހެވެ. ނުވަތަ ސްލޯ އެވެ. ބަރުދަން ކޮންޓްރޯލް ކުރުމަށް ފިރިހެނުންނަށް ވުރެ ބޮޑަށް އަންހެނުންނަށް އުނދަގުލީ މި ސަބަބާ ހެދި އެވެ. ހާއްސަކޮށް ދަރިން ނުލިބޭ އުމުރަށް އަންހެނުން ދާ ހިސާބުން މި މެޓަބޮލިޒަމެއްގެ އުނދަގޫ މާ ވަރުގަދަވެ، ހިކުމާ ބެހޭ ހުރިހާ ކަމެއް ވޭނަކަށް ވެދެ އެވެ.

މި ދެއްކި ހުރިހާ ވާހަކަ އެއް ދޮގަކަށް ހަދާލާ ވަރުގެ ދިރާސާއެއް ކޮށްފައި ހޯދުނު ހޯދުންތައް ބުރާސްފަތި ދުވަހު ސައިންސް ގައި ވަނީ ޝާއިއުކޮށްފަ އެވެ. އުމުރުން 8 ދުވަހާއި 95 އަހަރާ ދެމެދުގެ 6500 އެއްހާ މީހުންގެ ސާމްޕަލް ޑޭޓާ ނަގައިގެން ކުރި މި ދިރާސާއިން ހޯދުނު ގޮތުން މެޓަބޮލިޒަމްގެ ތަފާތު ހަތަރު މަރުހަލާ އެއް މީހެއްގެ ހަޔާތުގައި އާދެ އެވެ. އަދި އަންހެނުންނާއި ފިރިހެނުންގެ މެޓަބޮލިކް ރޭޓުގައި މާ ބޮޑު ފަރަގެއް ނެތް ކަން ވެސް ދިރާސާއިން ވަނީ ހޯދިފަ އެވެ.

އެހެންވީމާ، މި މުހިއްމު ހޯދުންތަކަށް ފަހު ހިއުމަން ފިޒިއޯލޮޖީ އިންސާނާގެ ހަށިގަނޑު މަސައްކަތް ކުރާ ގޮތާ ބެހޭ ގޮތުގެ ސައިންސަށް ބަދަލު އައުން އެކަށީގެންވެ އެވެ. އެއާއެކު ބޭސްވެރިކަމުގައި އަމަލުކުރާ ބައެއް އުސޫލުތައް، މިސާލަކަށް ބޮޑެތި މީހުންނާއި ދުވަސްވީ މީހުންނަށް ބޭހުގެ ޑޯޒު ކަނޑައެޅުން ފަދަ ކަންކަމުގައި އަމަލުކުރާ އުސޫލަށް ބަދަލު އައުމަކީ ވެސް އެކަށީގެންވާ ކަމެކެވެ.

Advertisement

މި އާ ހޯދުންތަކާއެކު ޕިޒިއޮލޮޖީ ދާއިރާގެ މަޝްހޫރު ޕްރޮފެސަރުންނާއި ދިރާސާކުރައްވާ ފަރާތްތަކުން ވެސް ވަނީ ރިޕޯޓަށް ރިއާޔަތްކޮށް އެ ފަރާތްތަކުގެ ހިޔާލުތައް ފާޅުކުރައްވާފަ އެވެ.

ޕެނިންގްޓަން ބައޮމެޑިކަލް ރިސާޗް އިންސްޓިޓިއުޓްްގެ ފިޒިއޮލޮޖިސްޓް ލީން ރެޑްމަން ވިދާޅުވެފައި ވަނީ މިއީ އިންތިހާ އަށް މުހިއްމު ޕޭޕަރަކަށް ވާތީ ޓެކްސްޓް ފޮތްތަކަށް ވެސް މި މައުލޫމާތު އަޕްޑޭޓް ވާނެކަމަށް ލަފާކުރައްވާ ކަމަށެވެ.

ވިސްކޮންސިން ޔުނިވަސިޓީގެ މެޑިސިން ޕްރޮފެސަރު ރޮޒަލިން އެންޑާސަން ވެސް ވަނީ މި ހޯދުންތަކާ ގުޅިގެން އޭނާގެ ނަޒަރިއްޔާ އެއް ވެސް ހިއްސާކޮށްފަ އެވެ. ހޯދުންތަކާ އެކު "އާޝޯހު" ވެފައި ހުންނެވި ރޮޒަލިން ވިދާޅުވީ މި ހޯދުންތަކާ އެކު މިހާރު ގަބޫލުކުރާ ގޮތްތައް އަލުން ރިވައިސް ކުރަންޖެހިފައިވާ ކަމަށެވެ.

މި ދިރާސާ ރިޕޯޓުގައި އާންމު ސިއްހަތާއި ނިއުޓްރިޝަން ނުވަތަ ކެއުމުގެ މިންގަނޑުތަކާ ބެހޭ ގޮތުން ހިމަނާފައިވަނީ ވަރަށް ލިމިޓެޑް ޕޮއިންޓު ތަކެކެވެ. އެހެންކަމުން މި ހޯދުންތަކާއެކު އާ ކްލިނިކަލް ސްޓޭޓްމަންޓެއް ނުނެރެވޭނެ ކަމަށް ވެސް ބައެއް ތަޖުރިބާކާރުން ގަބޫލުކުރެ އެވެ.

މެޓަބޮލިކް ރީސާޗް ތަކަކީ ވަރަށް ބޮޑު ހަރަދެއް ދާ ކަމެކެވެ. އެހެންކަމުން މި ދާއިރާއިން މިހާތަނަށް ހަދާފައިވާ ގިނަ ދިރާސާތަކުގައި ސާމްޕަލް ޑޭޓާގެ ގޮތުގައި އެހާ ގިނަ މީހުން ބައިވެރިކޮށްފަ އެއް ނުވެ އެވެ. ނަމަވެސް އަލަށް ކުރި މި ދިރާސާގެ ޕްރިންސިޕަލް އިންވެސްޓިގޭޓާ، ހާމަން ޕޮންޒާ ވިދާޅުވީ، ޕްރޮޖެކްޓްގައި ބައިވެރިވި ރިސާޗަރުން އެމީހުންގެ ހޯދުންތައް ހިއްސާކުރަން އެއްބަސްވި ކަމަށެވެ. އޭނާ އަކީ އެންތްރޮޕޮލޮޖީ ދާއިރާގެ ދިރާސާތަކެއް މިގެ ކުރިން ވެސް ކުރައްވާފައިވާ ތަޖުރިބާކާރު ބޭފުޅެކެވެ.

މި ދިރާސާ އެކުލަވާލުމުގައި 80 ކޯ-އޯތާސް (ސައިންސްވެރިން) ވަނީ ބައިވެރިވެފަ އެވެ. ދިރާސާގެ ފައިނަލް ޕޭޕަރު އެކުލަވާލާފައިވަނީ ހަ ސައިންސް ލެބަކުން 40 އަހަރު ވަންދެން އެއްކުރި ޑޭޓާ ތަކުގެ މައްޗަށް ބިނާކޮށްފައި ކަމުން އިންސާނެއްގެ ހަޔާތުގައި މެޓަބޮލިޒަމް ރޭޓަށް އަންނަ ބަދަލުތަކާ ގުޅިގެން އާންމު ސުވާލުތަކެއް އުފެއްދުމަށް ފުދޭ މިންވަރަށް މައުލޫމާތު ހުރި ކަމަށް ޕޮންޒާ ވިދާޅުވި އެވެ.

މި ދިރާސާގައި ބައިވެރިވި ހުރިހާ ރިސާޗް ސެންޓަރަކުން ވެސް ދިރާސާކުރަމުން ގެންގޮސްފައިވަނީ ގޮލްޑަން ސްޓޭންޑަޑް މެތަޑެއް ކަމަށް ގަބޫލުކުރެވިފައިވާ "ޑަބްލީ ލޭބަލްޑް ވޯޓާ" ބޭނުންކޮށްގެންނެވެ. މި މެތަޑްގައި، އިންސާނަކު ނޭވާ އާއި އެކު ބޭރުކުރާ ކާބަންޑައިއޮކްސައިޑް ގެ މިންވަރު ޓްރެކް ކޮށްގެން ކެލޮރީ އަންދާ މިންވަރު އަދާޒާކުރެ އެވެ.

ދިރާސާގެ އިންވެސްޓިގޭޓަރުން ވަނީ ބައިވެރިންގެ އިސްކޮޅާއި ބަރުދަނާއި ބޮޑީ ފެޓް ޕަސެންޓޭޖް ވެސް ރިކޯޑުކޮށްފަ އެވެ. މީގެ ބޭނުމަކީ މެޓަބޮލިކް ރޭޓުގެ ކޮންމެހެން ބަލަންޖެހޭ ބައިތައް ބެލުމެވެ.

"މީހެއްގެ ސައިޒް އެމީހެއްގެ މެޓަބޮލިޒަމް އަށް އެފެކްޓް ކުރާ ގޮތާއި އުމުރުން ދުވަސްވުން މެޓަބޮލިޒަމަށް އެފެކްޓު ކުރާގޮތް އެހާ ބޮޑަށް ސާފު ނުވާކަން އެނގޭ،" ޕޮންޒާ ވިދާޅުވި އެވެ.

މި ހޯދުންތަކުން މައިގަނޑުކޮށް އެނގުނީ ހުރިހާ އުމުރެއްގެ މީހުންނަށް ވެސް އުމުރުގެ ހަތަރު ސްޓޭޖެއްގައި މެޓަބޮލިޒަމް އަށް ބަދަލު އަންނަ ކަމެވެ. އެއީ؛

- އިންފެންސީ ނުވަތަ އެއް އަހަރާ ހަމައަށް: މި އުމުރުގައި ކެލޮރީސް އަންދާ ވަރު އުޅެނީ އެންމެ މަތީގަ އެވެ. ބޮޑު މީހެއްގެ މެޓަބޮލިޒަމް ރޭޓާ އަޅާ ބަލާއިރު 50 ޕަސެންޓް މަތީގަ އެވެ.

- އުމުރުން އެއް އަހަރުން ފެށިގެން 20 އަހަރާ ހަމައަށް އަހަރަކު 3 ޕަސެންޓްގެ ރޭޓަކުން މެޓަބޮލިޒަމް ދަށް ވަމުން ދެ އެވެ.

- އުމުރުން 20 އަހަރުން ފެށިގެން 60 އަހަރާ ހަމައަށް އެއް ހަމައެެއްގައި ހިފެހެއްޓިފައި ހުރެ އެވެ.

- އުމުރުން 60 ގެ ފަހުން އަހަރަކު 0.7 ޕަސެންޓް ގެ ރޭޓެއްގައި ދަށަށް ދެ އެވެ.

ދެން މި ރިސާޗަރުން ބެލީ އަންހެނުންނާ ފިރިހެނުންގެ މެޓަބޮލިކް ރޭޓުގައި ފަރަގެއް އުޅޭތޯ އެވެ. އެކަމަކު ދެބައި މީހުންގެ ވެސް ހަށިގަނޑުގެ ސައިޒާއި ގައިގެ މަސް ހުރި މިންވަރު ކޮންޓްރޯލް ކޮށްލުމުން ދެ ޖިންސުގައި ވަކި ތަފާތެއް ނެތް ކަން ވަނީ ހޯދިފަ އެވެ.

ޕޮންޒާ ވިދާޅުވީ މި ދިރާސާއިން އޭނާ އެންމެ ހައިރާންކޮށްލި އެއް ހޯދުމަކީ އެންމެ ތުއްތު ކުދިންގެ މެޓަބޮލިޒަމް އާ ބެހޭގޮތުން ހޯދުނު ހޯދުން ކަމަށެވެ. މިސާލަކަށް، "އެންމެ ތުއްތު ކުއްޖެއްގެ މެޓަބޮލިޒަމް ރޭޓު އާދަޔާ ހިލާފަށް މަތި،" ކަމަށް އޭނާ ވިދާޅުވި އެވެ.

މިއަށް ސައިންސުން ބާރުދޭ ހަގީގަތަކީ، ބޮޑު ޖަނަވާރަކަށްވުރެ ކުޑަ ޖަނަވާރެއް ކެލޮރީސް އަންދާ ވަރު ގިނަ ކަމަށް ބުނެފައި އޮންނަ ބުނުމެވެ.

އެހެންވީމަ މި ހޯދުމުން އެނގޭ ގޮތުން 60 އަހަރުން ފެށިގެން 95 އަހަރާ ހަމައަށް ދާއިރު އިންސާނެއްގެ ހަށިގަނޑުގެ މެޓަބޮލިކް ރޭޓް 20 ޕަސެންޓް ދަށްކޮށްލަ އެވެ. އެހެންވީމަ ކިތަންމެ ޒުވާން ކަމަށް ދައްކާ މީހުން ވެސް 60 އަހަރުން ފެށިގެން ބަދަލުވާން ފަށަ އެވެ.

titledesc

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox