އީގަލްސް އަށް ވުރެ މޮޅަށް ކުޅުނީ ބެންގަލޫރު: ކޯޗު

ބްރެޒިލްގެ ކްލެއިޓަން (ކ) އަތުން އަކުރަމް ބޯޅަ ހޯދަން މަސައްކަތްކުރަނީ.-- ފޮޓޯ: ހުސެއިން ޝަޔާހު/ އަދަދު

ބްރެޒިލްގެ ކްލެއިޓަން (ކ) އަތުން އަކުރަމް ބޯޅަ ހޯދަން މަސައްކަތްކުރަނީ.-- ފޮޓޯ: ހުސެއިން ޝަޔާހު/ އަދަދު

އޭއެފްސީ ކަޕްގެ ދެކުނު އޭޝިއާ ގްރޫޕްގެ ޕްލޭއޮފް މެޗުގައި ރޭ ރާއްޖޭގެ އީގަލްސް އަތުން ބެންގަލޫރު މޮޅުވީ މޮޅަށް ކުޅެގެން ކަމަަށް އެ ޓީމުގެ ކޯޗު ޖަރުމަނުގެ މާކޯ ޕެޒޯލީ ބުނެފި އެވެ.

ފުރަތަމަ ހާފުގައި ޖަޔޭޝް ރާނޭ ޖެހި ގޯލުން ބެންގަލޫރުން 1-0 އިން އީގަލްސް ބަލިކުރި މި މެޗުގައި ދެ ޓީމަށް ވެސް ލަނޑުޖަހާނެ ރަނގަޅު ފުރުސަތުތަކެއް ވަނީ ލިބިފަ އެވެ. ބެންގަލޫރުގެ ބްރެޒިލް ފޯވާޑް ކްލެއިޓަން ސިލްވާ އާއި ސުނިލް ޗެތުރީ އަތުން ފުރުސަތުތައް ގެއްލުނުއިރު، އީގަލްސް އަށް ލަނޑު ޖަަހައިދޭން އަލީ ފާސިރު (ސެންޓޭ) އަށް ރަނގަޅު ބޯޅަތަކެއް ލިބިގެންދިޔަ އެވެ.

އީގަލްސްގެ ކޯޗު މުހައްމަދު ޝާޒްލީ (ޝާޒް) ވަނީ ބެންގަލޫރަށް ގޯލެއް ޖެހުމުން އޭގެ ފަސޭހަތަކެއް އެ ޓީމަށް އައި ކަމަށާއި އީގަލްސް ވެސް ކުޅުމަށް ބަލާއިރު ރަނގަޅަށް ކުޅުނު ކަމަށް ބުނެފަ އެވެ. އެކަމާ ބެހޭގޮތުންް ބެންގަލޫރުގެ ކޯޗު ޕެޒޯލީ ބުނީ އީގަލްސް އަށް ވުރެ ރަނގަޅަށް މި މެޗުގައި ބެންގަލޫރު ކުޅުނުކަން މެޗުގެ ސްޓެޓްސްތަކުން ވެސް ފެންނާނެ ކަމަށެވެ.

Advertisement

"މޮޅަށް ކުޅުނީ އަހަރެމެން. ބޯޅަ ކުޅެގެން ފުރުސަތު ތަނަވަސްކުރީ ވެސް އަހަރެމެން. އަހަންނަށް ހީވާގޮތުގައި އަހަރެމެން ފުރުސަތު ތަނަވަސް ކުރުމުން ކުރީގައި އުޅުނީ 5-2 އިން. މިއީ އަހަރެމެންގެ 100 ޕަސެންޓެއް ނޫން. އެކަމަކު ވެސް މެޗުން މޮޅުވެވޭ ވަރަށް ކުުޅުނު. އީގަލްސް އިން ބޮޑަށް ނުރައްކާކުރީ ކޯނަރުތަކުގައި،" ޕެޒޯލީ ބުންޏެވެ.

އީގަލްސް މެޗަކީ ބެންގަލޫރު ޓީމަށް ޕެޒޯލީ ކޯޗުކޮށްދިން ރަސްމީ ދެ ވަނަ މެޗެވެ. ފުރަތަމަ މެޗުގައި އޭޕްރީލް މަހު ވަނީ އޭއެފްސީ ކަޕްގެ ޕްރިލިމިނަރީ ދެ ވަަނަ ބުރުގައި ނޭޕާލްގެ އާމީ ކްލަބް އަތުން 5-0 އިން މޮޅުވެފަ އެވެ. ޕެޒޯލީ ބުނީ ރޭގެ މެޗުގައި ވެސް ބައެއް ފަހަރު މަތިން ބޯޅަތަކެއް ކުޅެފައިވާ ކަމަށާއި އެއީ އޭނާ އެހާ ގަޔާވާ ކަމެއް ނޫން ކަމަށެެވެ.

މެޗަށް ފަހު އޮތް ނޫސްވެރިންގެ ބައްދަލުވުމުގެ ތެރެއިން ޕެޒޯލީ ވާހަކަ ދައްކަނީ.-- ފޮޓޯ: އޭއެފްޕީ

"އެކަންކަން ރަނގަޅުކުރެވޭނީ ގިނަ މެޗުތަކެއް ކުޅެގެން. އެންމެ ފަހުން އަހަރެމެން ލީގުގައި ކުޅުނީ ފެބްރުއަރީ މަހު. ދެން ލީގު ފަށަނީ ނޮވެމްބަރުގައި. އެހެންވެ މިއީ ޕްރީ ސީޒަން މުއްދަތެއް ނޫނީ ޗުއްޓީ ދުވަސްވަރެއްގައި ކުޅޭ މުބާރާތަކަށްވީމަ މި ކަހަލަ ކަންތައްތައް ދިމާވާނެ،" ޕެޒޯލީ ބުންޏެވެ.

އޭއެފްސީ ކަޕްގައި ބެންގަލޫރުން ރާއްޖޭގެ ކްލަބްތަކާ ދެކޮޅަށް ފުރަތަމަ ހަތް މެޗުން މޮޅުވި ނަމަވެސް ދެން ކުޅުނު ތިން މެޗުން ބަލިވީ އެވެ. ބެންގަލޫރު ވަނީ 2018 ވަނަ އަހަރުގެ އޭއެފްސީ ކަޕްގެ ގްރޫޕް ސްޓޭޖުގައި ނިއު ރޭޑިއަންޓް އަތުން މާލޭގައި ބަލިވެފަ އެވެ. އަދި މިދިޔަ އަހަރު އޭއެފްސީ ކަޕް ޕްލޭއޮފް ބުރުގެ ދެ ލެގުން ވެސް ރާއްޖޭގެ މާޒިޔާ އަތުން ބެންގަލޫރު ވަނީ ބަލިވެފަ އެވެ.

ޕެޒޯލީ ބުނީ އެއް އަހަރުގެ މެދުކެނޑުމަކަށް ފަހު ގްރޫޕް ސްޓޭޖުން ފުރުސަތު ލިބުމަކީ އެ ކްލަބަށް ކުރިއަށް އެޅުނު ފިޔަވަޅެއް ކަމަށެވެ.

"އަހަރެމެން މި މެޗަށް ނުކުތްއިރު އެންމެ ފަހުން ތިން މެޗުން ބަލިވެފައި އޮތް ނަމަވެސް ވިސްނީ ޕޮޒިޓިވްކޮށް. އެއީ ނެގެޓިވްކޮށް ވިސްނައިގެން ކުރިއަކަށް ނުދެވޭނެތީ. އަހަރެމެން މި ތިބީ (މި ވަގުތަށް) ބޭނުންވި ހިސާބުގައި. އެއީ ގްރޫޕް ސްޓޭޖުގައި،" ޕެޒޯލީ ބުންޏެވެ.

އޭއެފްސީ ކަޕްގެ ދެކުނު އޭޝިއާގެ ގްރޫޕްގައި މި ފަހަރު ބެންގަލޫރުގެ އިތުރުން އޮތީ ރާއްޖޭގެ ޗެމްޕިއަން މާޒިޔާ އާއި ބަންގްލަދޭޝްގެ ޗެމްޕިއަން ބަޝުންދުރާ ކިންގްސް އަދި އިންޑިއާގެ ސުޕަ ލީގުގައި ކުޅޭ އޭޓީކޭ މޯހަން ބަގާން އެވެ. ގްރޫޕް ސްޓޭޖު މެޗުތައް އޮތީ މި މަހު 18-24 އަށް މާލޭގަ އެވެ.

ޕެޒޯލީ ބުނީ ގްރޫޕްގައި އޮތް ހުރިހާ ޓީމެއް ވެސް ވަރަށް ވަރުގަދަ ކަމަށާއި މި ވަގުތަށް ބަލާއިރު އެންމެ ފިޓްކޮށް ފެންނަން އޮތީ މިދިޔަ ހަފްތާގައި ބަންގްލަދޭޝްގެ ލީގު ޗެމްޕިއަންކަން ދިފާއުކުރި ބަޝުންދުރާ ކަމަށެވެ.

ގްރޫޕް ސްޓޭޖުގެ ފުރަތަމަ މެޗުގައި ބުދަ ދުވަހު ހަވީރު ބެންގަލޫރު ކުޅޭނީ އިންޑިއާގެ އޭޓީކޭއާ ދެކޮޅަށެވެ.

އޭއެފްސީ ކަޕް ގްރޫޕް ސްޓޭޖް މެޗުތައް:

އޭޓީކޭ މޯހަން ބަގާން - ބެންގަލޫރު (18 އޮގަސްޓް، 16:00)

މާޒިޔާ - ބަޝުންދުރަ (18 އޮގަސްޓް، 21:00)

ބެންގަލޫރު - ބަޝުންދުރަ (21 އޮގަސްޓް، 16:00)

މާޒިޔާ - އޭޓީކޭ މޯހަން ބަގާން (21 އޮގަސްޓް، 21:00)

އޭޓީކޭ މޯހަން ބަގާން - ބަޝުންދުރަ (24 އޮގަސްޓް، 16:00)

މާޒިޔާ - ބެންގަލޫރު (24 އޮގަސްޓް، 21:00)

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox