މަކުނުދޫ އިން "ފަސް ޖީލު" ގެ ފޮޓޯ ގަނޑެއް

މަކުނުދޫ އިން "ފަސް ޖީލު" ގެ ފޮޓޯ ގަނޑެއް

ފޮޓޯ އިން ތި ފެންނަނީ ހދ. މަކުނުދޫ ގުލްއަލާގޭ އާއިޝަތު ހަސަން (ހިކިދޮން އައިސަ) އެވެ. އުމުރުން މިހާރު 86 އަހަރުގެ އައިސަ އަކީ މަކުނުދޫގެ އެންމެ ދުވަސްވީ އެކެކެވެ. އޭނާގެ އުފަން ނުވަ ދަރިންނަށް ލިބުނު 40 މާމަ ދަރިންނާއި އެ ސާޅީސް ދަރިންނަށް ލިބުނު 74 މުނިމާމަ ކިޔާ ކުދިންނާއި މި ފަހުން ލިބުނު ހޫރު މާމަ ކިޔާ ދެ ކުދިންނާ އެކު ހިކިދޮން އައިސަގެ ޖުމްލަ 125 ދަރިން އެބަ ތިއްބެވެ. އޭގެ ތެރެއިން ދުނިޔޭގައި ތިބީ 124 ދަރިންނެވެ.

ހިކިދޮން އައިސަ އަދި ވެސް މަސައްކަތްކުރެ އެވެ. ބޮނބި ތެޅުމާއި، ރޯނުވެށުމާއި، މަދުފެޅުން ފަދަ ގިނަ މަސައްކަތްތަކެއް އަދި ވެސް ކޮށް އުޅެ އެވެ. އޭނާގެ މުރާލި ދިރިއުޅުމާއި އުމުރާއި ނުބައްދަލު ރޫފަ އާއި ރީތި ކަމަކީ ރަށުގެ މީހުން ދައްކައި އުޅޭ ވާހަކަ އެކެވެ.

Advertisement
ހިކި ދޮން އައިސަ އޭނާގެ ހަތަރު ޖީލުިގެ ދަރިންނާ އެކު: ވާސި ފޮޓޯސް
ހިކި ދޮން އައިސަ އޭނާގެ ހަތަރު ޖީލުިގެ ދަރިންނާ އެކު: ވާސި ފޮޓޯސް

ހިކި ދޮން އައިސަ އޭނާގެ ހަތަރު ޖީލުިގެ ދަރިންނާ އެކު: ވާސި ފޮޓޯސް

މަކުނުދޫ އަށް ނިސްބަތްވާ ފޭސްބުކް ޕޭޖް، "ވާސި ފޮޓޯސް" އިން އިއްޔެ މި ފޮޓޯތައް ހިއްސާކުރުމާ އެކު އެތައް ބައެއްގެ ސަމާލުކަން އެ ފޮޓޯތަކަށް ލިބުނެވެ.

ވާސި ފޮޓޯ އަކީ، މަކުނުދޫ ސްކޫލުގެ ލީޑިން ޓީޗަރު މުހައްމަދު ވާސިފް، އަމިއްލަ ޝައުގުވެރިކަމުގައި ނަގާ ރީތި ފޮޓޯ ތައް ހިއްސާކުރުމަށް ހިންގާ ސޯސަލް މީޑިއާ ޕޭޖެވެ.

ހިކި ދޮން އައިސަގެ ފޮޓޯ ޝޫޓަކީ އައިސަގެ އާއިލާގެ މީހުންގެ އެދުމަށް ވާސިފް ނަގައި ދިން ޝޫޓެކެވެ. އެއީ އެ އާއިލާ އިން ކޮންމެހެން އައިސަގެ ރީތި ފޮޓޯތަކެއް އޭނާއަށް ލިބިފައި ތިބި ހަތަރު ޖީލުގެ ދަރިންނާއެކު ނަގަން ބޭނުންވެގެން އެކަމަށް ނެގި ފޮޓޯތަކެކެވެ.

ވާސި ފޮޓޯސް
ވާސި ފޮޓޯސް

ވާސި ފޮޓޯސް

"އެ މާމަ އަކީ އަޅުގަނޑުމެން ސްކޫލުގެ ޓީޗަރެއްގެ ވެސް މުނި މާމަ. އެ ޓީޗަރާއި އާއިލާގެ ވެސް ވަރަށް ބޮޑު އެދުމަކަށް ވީ ހުރިހާ ދަރިން އެއްތަން ނުވިޔަސް، ފަސް ޖީލު ފެންނަ ރީތި ފޮޓޯ ތަކެއް ފަހަށް ރައްކާކުރަން ނެގުމަކީ. އެގޮތުން ނެގި ފޮޓޯތަކެއް މިއީ." ވާސިފް ބުންޏެވެ.

ހިކިދޮން އައިސް އަކީ މަޝްހޫރު ވާހަކަ ލިޔުންތެރިޔާ، ޔަސްފާ އަބްދުލް ޣަނީގެ ވެސް މާމަ އެވެ.

ވާސިފް ސަރ؛ ހަމައެކަނި ފޮޓޯގްރަފީ އެއްނޫން، ރައްކާކުރަނީ ފަހުގެ ޖީލަށް ހަނދާންތަކެއް!

ވާސިފްގެ ފޮޓޯ ނެގުމުގެ މި ޝައުގުވެރިކަމެއް ފެށިގެން އައީ 2008 ވަނަ އަހަރު މަކުނުދޫ ސްކޫލުގެ ޓީޗަރެއްގެ ވަޒީފާ އާ ގުޅުނު ހިސާބުންނެވެ. މީގެ އެތައް އަހަރެއް ކުރިން ސްކޫލުގައި ކިޔެވި ދަރިވަރުން ތަކެއްގެ ފޮޓޯތައް ފެނުނު ހިސާބުން އޭނާ ބޭނުންވީ އެފަދަ މިހާރު ސްކޫލުގައި ކިޔަވަމުންދާ ދަރިވަރުންގެ އެފަދަ ފޮޓޯތަކެއް ނަގައިގެން ފަހަށް ފެންނަން ހުންނާނެ ގޮތަށް ފޮޓޯ އާކައިވް އެއް ހަދާށެވެ.

ވާސިފް ކުޑަ ކުއްޖަކު ލައްވައި ފޮޓޯ އެއް ނަގުވަނީ: އޭނާ ގެ އަޒުމަކީ ސްކޫލު ކުދިންގެ ވީހާވެސް ގިނަ ހަނދާންތަކެއް ފެންނަ ގޮތަށް ފަހަށް ރައްކާކުރުން
ވާސިފް ކުޑަ ކުއްޖަކު ލައްވައި ފޮޓޯ އެއް ނަގުވަނީ: އޭނާ ގެ އަޒުމަކީ ސްކޫލު ކުދިންގެ ވީހާވެސް ގިނަ ހަނދާންތަކެއް ފެންނަ ގޮތަށް ފަހަށް ރައްކާކުރުން

ވާސިފް ކުޑަ ކުއްޖަކު ލައްވައި ފޮޓޯ އެއް ނަގުވަނީ: އޭނާ ގެ އަޒުމަކީ ސްކޫލު ކުދިންގެ ވީހާވެސް ގިނަ ހަނދާންތަކެއް ފެންނަ ގޮތަށް ފަހަށް ރައްކާކުރުން

"އޭރުއްސުރެ 2008 ގެ ބެޗުން ފެށިގެން އެކި ގްރޭޑް ތަކުގެ ފޮޓޯ އާއި ސްކޫލުގައި ބާއްވާ އެކި ހަރަކާތްތަކުގެ ފޮޓޯތައް ހުންނާނެ ނަގާފައި،" ވާސިފް ބުންޏެވެ.

"މީގެ ކުރިން ފޮޓޯ ނަގައި އުޅުނީ މުޅިން ވެސް ފޯނުން. އެކަމަކު މިހާރު، މި އަހަރު ތެރޭގައި ކެމެރާއެއް ވެސް ގަނެފިން."

އެންމެ ރީތި މަސައްކަތްތަކުގެ ތެރެއިން މަކުނުދޫ "އީދު ބޮނޑި"

"އީދުބޮނޑި" ފޮޓޯ ޝޫޓްގެ މަންޒަރެއް / ވާސި ފޮޓޯސް
"އީދުބޮނޑި" ފޮޓޯ ޝޫޓްގެ މަންޒަރެއް / ވާސި ފޮޓޯސް

"އީދުބޮނޑި" ފޮޓޯ ޝޫޓްގެ މަންޒަރެއް / ވާސި ފޮޓޯސް

"އީދު ބޮނޑި ޕްރޮޖެކްޓަކީ އީދާ ގުޅޭ ފޮޓޯކޮޅެއް ނަގަން ބޭނުންވެގެން އެވާހަކަ ބުނުމުން ސްކޫލުގެ ޓީޗަރަކު ދިން ހިޔާލަކަށް ބިނާކޮށް، ސްކޫލާ ވެސް ގުޅިގެން ކުރި ވަރަށް ބޮޑު މަސައްކަތެއް،"

އީދުގެ ފޮޓޯ ކޮޅެއް ނަގަން ކޮންމެހެން ބޭނުންވެގެން ފާޅުކުރި ޝުއޫރަށް އެކުގައި މަސައްކަތްކުރާ ޓީޗަރަކު ދިން ހިޔާލަކާ އެކު ސްކޫލުގެ އެހެން 10 ވަރަކަށް ޓީޗަރުންނާ އެކު ވާސިފް ހެދީ ގްރޫޕެކެވެ. ދެން އެ ގްރޫޕުގައި ތިބީ އެކަމަށް ޝައުގު ހުރި އާންމު ދެތިން މީހެކެވެ. ގްރޫޕް މަޝްވަރާ އަށް ފަހު މަކުނުދޫގެ އެންމެ ޒަމާންވީ "އީދު ބޮނޑި" ރަސަމް ވީހާ ވެސް އަސްލު ފެންނަ ގޮތަށް ފޮޓޯ ނަގަން ސްޓޯރީ އެއް ވެސް ތައްޔާރުކުރި އެވެ.

އެ ޝޫޓަށް ސްޓޯރީ ތައްޔާރުކުރީ ރަށު ސްކޫލުގެ ދިވެހި ޓީޗަރެވެ.

"އީދުބޮނޑި" ފޮޓޯ ޝޫޓްގެ މަންޒަރެއް / ވާސި ފޮޓޯސް
"އީދުބޮނޑި" ފޮޓޯ ޝޫޓްގެ މަންޒަރެއް / ވާސި ފޮޓޯސް

"އީދުބޮނޑި" ފޮޓޯ ޝޫޓްގެ މަންޒަރެއް / ވާސި ފޮޓޯސް

ޖުމްލަ 18 ފޮޓޯ އިން ކިޔައިދީފައި އެވަނީ ކާބަފައިންނާ ހަމައިން ފެށިގެން މަކުނުދޫގައި އީދު ބޮނޑި ހެދުމުގެ ރަސަމް ފެށިގެން އަސްލު އެކަން ކުރިއަށް ދާގޮތެވެ.

އެ ޝޫޓަށް ސްޓޯރީ ލިޔެދީފައި ވަނީ މަކުނުދޫ ސްކޫލުގެ ދިވެހި ޓީޗަރެވެ.

"އަޅުގަނޑުމެން ގްރޫޕެއް ހެދީ ގާތްގަނޑަކަށް ދިހަ ވަރަކަށް ޓީޗަރުން ތިބި. ދެން ސްކޫލުގެ އޭރުގެ ގްރޭޑް ދިހައެއްގެ ކުދިން އެތިބީ އެއަށް ޝޫޓްކޮށްފަ މުޅިން ވެސް. ބޮނޑި ހެދުމަކީ މަކުނުދޫގެ ވަރަށް ޒަމާންވީ ސަގާފަތެއްގެ ތެރެއިން އައިސްފައި އޮތް ކަމެއް. އެހެންވީމަ އަޅުގަނޑުމެން ބޭނުންވީ ތަންކޮޅެއް ޑީޓެއިލްކޮށް އޭތި ގެނެސްދޭން،" ވާސިފް ބުންޏެވެ.

"އޭގެ ފަހުން ވެސް އަޅުގަނޑުމެން މަސައްކަތް ކުރިން ތާރީހު ދައްކުވައިދޭ ފޮޓޯތަކެއް ނަގަން. އެކަމަކު އެފަހުން އެކި ކަންކަމާ ހެދި ނުވެފަ އޮތީ."

އެ ޝޫޓްގެ ފޮޓޯތައް ވެސް ނަގާފައި ވަނީ އައި ފޯނަކުންނެވެ.

"އީދު ބޮނޑި" ފޮޓޯ އަލްބަމް ވެސް ގިނަ ބަޔަކަށް ރީތި ވި އެވެ. އެއީ ވާސިފް ގެ ވެސް އެފަދަ ފުރަތަމަ މަސައްކަތަށް ވުމުން އެ ޕްރޮޖެކްޓް އޭނާ އަށް ވެސް ހާއްސަ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox