ރައުހާގެ ފަށުވީގެ ދުނިޔެ އާއި ކިޑްނީއަކުން ކުރި ވެދުން

ރައުހާގެ ފަށުވީގެ ދުނިޔެ އާއި ކިޑްނީއަކުން ކުރި ވެދުން

މިއީ ރައުހާ އަލީ އާދަމެވެ. ސައްބީސް އަހަރުގެ މި ޒުވާނާގެ ވާހަކަ، ފަށުވި ބަރަނީގެ އޮމާންކަން ގަދަ ވިދުމާއި އޭގެ ހިތްގައިމު ކުލަތަކުން ޖަރީވެ، ފުރިހަމަ ވެގެން އަންނަ ނަލަ ކުރެހުމަކުން ފެއްޓިޔަސް، ނުވަތަ އިންސާނިއްޔަތު ކަމާއި ލޯތްބާއި ކުލުނުވެރިކަމުގެ އިންތިހާއިން ފެއްޓިޔަސް، ގޮސް ވަދެވޭނީ މި ބުނި ސިފަތަކާއި ކުލަތަކުން ފައްކާވަމުން އަންނަ އޭނާގެ ގަދަރުވެރި، ފަންނުވެރި ދިރިއުޅުމުގެ ތެރެއަށެވެ.

އޭނާގެ ރަހުމަތްތެރި މިޒާޖާއި ހިތްހެޔޮ ހިނިތުންވުމުން ފަށައިގަތް މި ވާހަކައެއް، 70 އަހަރުގެ މާމަގެ އެނދުރުވެރިކަމުގައި މީގެ 19 އަހަރު ކުރިން ދަސްކުރަން ފެށި މާޖެހުމުގެ ހުނަރާއި އާއި އޭގެ ކާމިޔާބީގައި އާދެވިފައި ހުރި ހިސާބުގެ ރޮނގު ކުރަހައިދެމުން ފެއްޓިޔަސް، އިހަށް މި ތަފްސީލެއް ބާއްވާފައި "ގާލް ފްރޮމް ތައުޒަންޑް އައިލްސް" ގެ ވާހަކަ އަހަރެން ފަށައިގަންނާނީ މިއަށްވުރެ މާ "ލޯބި"، ޝައުގުވެރި އެހެން ވާހަކަ އަކުންނެވެ.

"އަޅުގަނޑުގެ ހަޔާތުގައި އެމްބްރޮއިޑަރީ އަކީ ހުނަރެއް ނުވަތަ ހޮބީ އަކަށް ވުރެ މުހިއްމު އެއްޗެއް. ހީލިން ތެރަޕީ އޭ މީހުން ބުނެ އުޅެއެއްނުން. އެމްބްރޮއިޑަރީ އަކީ އެފަދަ ތެރަޕީ އެއް. މަންމަ އަށް ކިޑްނީ ޑޮނޭޓްކުރަން ނިންމައިގެން އެކަމަށް ތައްޔާރުވަމުން ދިޔަ ދުވަސްކޮޅު ވެސް ވަރަށް ބޮޑަށް އެެމްބްރޮއިޑް ކޮށް ހެދިން،"

Advertisement

އެމްބްރޮއިޑަރީގެ ކަވި ކަމާއި އޭގެ ފަރުވާ އޭނާގެ ހަޔާތަށް މުހިއްމުވާ ސަބަބުތައް ކިޔައިދެމުން ހަޔާތުގައި ކުރި އެންމެ އާދަޔާ ހިލާފު އެއް ތަޖުރިބާގެ ސުރުހީ ރައުހާ އަޅައިލި އެވެ.

ރައުހާ އޭނާގެ މަންމަ އާ އެކު ކިޑްނީ ޓްރާންސްޕްލާންޓަށް އަހަރު ފުރުމުގެ އުފާ ފާހަގަކުރަން ނެގި ފޮޓޯއަކަށް ހުއްޓިލައިގެން
ރައުހާ އޭނާގެ މަންމަ އާ އެކު ކިޑްނީ ޓްރާންސްޕްލާންޓަށް އަހަރު ފުރުމުގެ އުފާ ފާހަގަކުރަން ނެގި ފޮޓޯއަކަށް ހުއްޓިލައިގެން

ރައުހާ އޭނާގެ މަންމަ އާ އެކު ކިޑްނީ ޓްރާންސްޕްލާންޓަށް އަހަރު ފުރުމުގެ އުފާ ފާހަގަކުރަން ނެގި ފޮޓޯއަކަށް ހުއްޓިލައިގެން

"އެކަން ވީ ގޮތަކީ މީގެ ބާރަ އަހަރު ކުރިން މަންމަގެ އެކްސިޑެންޓެއް ވެގެން ކަކުލަށް ލިބުނު އަނިޔާ އަކާ ހެދިގެން ގިނަ އަދަދެއްގެ އެންޓިބައޮޓިކްސް ނަގަން ޖެހުނު ހިސާބުން ކިޑްނީގެ މައްސަލަތައް ދިމާވާން ފެށީ. އޭރުން ފެށިގެން 2018 އާ ހަމައަށް ބޭހުން ހިފަހައްޓާލީ. އެ ފަހުން ޖެހުނީ ޑައިލިސިސް ފަށަން. ކިޑްނީ ހަދިޔާކުރަން ބޭނުންވި ހިސާބަކީ އެއީ،" ތަފްސީލު އެނގެން ބޭނުންވެގެން އަހަރެން ކުރި ސުވާލުގެ ކުރި މަރާނުލައި ރައުހާ ކިޔައިދިނެވެ.

ރައުހާގެ މާމަ އެމްބްްރޮއިޑޮރީ މަސައްކަތެއް ކުރަނީ: ރައުހާ އަށް މާޖަހަން ދަސްވީ މާމަގެ ފަރާތުން ކަމަށް އޭނާ ބުނޭ
ރައުހާގެ މާމަ އެމްބްްރޮއިޑޮރީ މަސައްކަތެއް ކުރަނީ: ރައުހާ އަށް މާޖަހަން ދަސްވީ މާމަގެ ފަރާތުން ކަމަށް އޭނާ ބުނޭ

ރައުހާގެ މާމަ އެމްބްްރޮއިޑޮރީ މަސައްކަތެއް ކުރަނީ: ރައުހާ އަށް މާޖަހަން ދަސްވީ މާމަގެ ފަރާތުން ކަމަށް އޭނާ ބުނޭ

ބޭހުން ނުލިބުނު ފަރުވާ، އިތުރު ގޮތެއް ނެތިގެން ޑަޔަލިސިސް އިން ހޯދަން މަޖުބޫރުވެ، ރައުހާގެ މަންމަ، ލަންކާ ހޮސްޕިޓަލަށް ޑަޔަލިސިސް ހަދަން ދިޔަ ފުރަތަމަ ސެޝަން ގައި އެހީތެރިއަކަށް އޭނާ ދިޔަ އެވެ. އެދުވަހު މަންމަގެ މުލައްދަނޑިއަށް ލައްވާފައި އިން އޭވީ ފިސްޓިއުލާ އަށް އައިވީ ކެނިއުލާ ގުޅަން އައި ނަރުހަށް އެކަން ނުކުރެވި ފަނަރަ ވަރަކަށް ފަހަރު ކަށި ހަރަން ޖެހުނު އިރު މަންމަ އިހުސާސްކުރަމުން ދިޔަ ތަދު ފެނިފައި އޭނާ އަށް ހުރެވުނީ ގޮތް ހުސްވެ ފެންކަޅިވެފަ އެވެ.

"ޑަޔަލިސިސް ހަދަން ފަށައިގެން ވަރަށް ވޭނުގަ މަންމަ އުޅެން ފެށީ. އެހިސާބުން އަހަރެން ބޭނުމެއް ނުވި މަންމަގެ އުމުރު ދުވަހު އެ ވޭނުގައި އުޅުނަ ދޭކަށް،" ރައުހާ ކިޔައިދިނެވެ.

ރައުހާ އާއި އޭނާގެ މަންމަ
ރައުހާ އާއި އޭނާގެ މަންމަ

ރައުހާ އާއި އޭނާގެ މަންމަ

ރައުހާ ބުނީ އެހާ ހިސާބުން މަންމަ އަށް އޭނާގެ ކިޑްނީ އެއް ޑޮނޭޓް ކުރުމާ މެދު ވިސްނެން ފެށުނު ކަމަށެވެ. ކިޑްނީ ޑޮނޭޓް ކުރުމަކީ ކިހާ ވަރެއްގެ ކަމެއް ކަމާއި އެކަމާ ގުޅޭގޮތުން ސައިންސުން އެނގެން ހުރި ވަރަށް ގިނަ ކަންކަން ބަލައި ހޯދައިގެން ދެ ތިން ވަރަކަށް މަސް ވީ އިރު މުޅިން ތައްޔާރުވެ، އޭނާގެ ނިންމުން ޑޮކްޓަރާ ހަމައަށް ގެންދިޔަ ކަމަށެވެ. ޓެސްޓުތައް ހަދައި ނަތީޖާ ލިބުނު އިރު އޭނާ އަކީ މަންމަ އަށް ބަރާބަރު ޑޯނަރެކެވެ.

"އެ ހިސާބުން އެ ފޯކަސް ގައި ހުރީ. އެކަމަކު ކިޑްނީ ޑޮނޭޓްކުރުމުގެ ތަޖުރިބާ އަކީ މިކްސް އިހުސާސްތަކެއް ކުރުވި ތަޖުރިބާއެއް. ސަބަބަކީ ކިޑްނީ ހަދިޔާ ކުރާނަމަ ޑޯނަރަށް ހަޔާތުގެ ބާކީ އޮތް ތަނުގައި އުޅެން ޖެހޭނީ އެއް ކިޑްނީ އާ އެކު. ހާއްސަކޮށް ކިޑްނީ ބައްޔަކީ އާއިލާގައި ހުންނަ ކަމެއް ނަމަ މާ ބޮޑަށް އެކަމާ ދޭތެރޭގައި ވިސްނޭނެ. އަހަރެންގެ ކޭސްގައި، ކިޑްނީ ބައްޔަކީ އާއިލާގެ ތެރޭގައި ގިނަ ބައްޔެއް ނޫން. އެހެންވީމަ އެގޮތުން ވެސް ސޭފް. އެކަމަކު މެންޓަލީ ރެޑީ ވާން ބޭނުންވި،" ރައުހާ ބުންޏެވެ.

ރައުހާ ބުނީ މި "ތިންކިން ޕްރޮސެސް" އެއްގައި އޭނާ އަށް އެންމެ ބޮޑު އެއް ހިތްހަމަ ޖެހުމަކަށް ވީ އެމްބްރޮއިޑް ކުރުން ކަމަށެވެ. އޭނާ 2019 ވަނަ އަހަރު ހެދި ޓްރާންސްޕްލާންޓަށް ދެ އަހަރު ފުރުނު އިރު ދެމައިންގެ ހާލު ވެސް ރަނގަޅެވެ. ރައުހާ އަށް، އަދި ވެސް އޭނާގެ ހުސްވަގުތުގެ އެކުވެރިއަކީީ އޭނާގެ ސްޓިޗް އާޓެވެ.

އެގާރަ އަހަރުގައި ރައުހާ ހެދި ސީނަރީ އެމްބަރޮއިޑޮރީ އާޓް ޕީސް އެއް
އެގާރަ އަހަރުގައި ރައުހާ ހެދި ސީނަރީ އެމްބަރޮއިޑޮރީ އާޓް ޕީސް އެއް

އެގާރަ އަހަރުގައި ރައުހާ ހެދި ސީނަރީ އެމްބަރޮއިޑޮރީ އާޓް ޕީސް އެއް

ރައުހާ ހަދާފައިވާ ޕެޓް އެމްބްރޮްިޑޮރީ އެއް: މިއީ އެމްބްރޮއިޑޮރީ ކުރުމުގެ ތަފާތު އުނދަގޫ ސްޓައިލެއް
ރައުހާ ހަދާފައިވާ ޕެޓް އެމްބްރޮްިޑޮރީ އެއް: މިއީ އެމްބްރޮއިޑޮރީ ކުރުމުގެ ތަފާތު އުނދަގޫ ސްޓައިލެއް

ރައުހާ ހަދާފައިވާ ޕެޓް އެމްބްރޮްިޑޮރީ އެއް: މިއީ އެމްބްރޮއިޑޮރީ ކުރުމުގެ ތަފާތު އުނދަގޫ ސްޓައިލެއް

"މި ކަރަންޓީން ތެރޭގައި އިންސްޓަގްރާމަށް އަޅުގަނޑުގެ ސްޓިޗް ވޯކްތައް ލީ. އެހާ ހިސާބުން މީހުންނަށް ވަރަށް ކަމުގޮސްގެން މަސައްކަތްތައް ވެސް ލިބެން ފެށި،" އޭނާ ބުންޏެވެ.

އެމްބްރޮއިޑޮރީ މަސައްކަތްތަކުގެ ގޮތުގައި ރައުހާގެ އިންސްޓަގްރާމުން އެ އާޓްފޯމްގެ އެކި ސްޓައިލްތައް ފެންނަން އެބަ ހުއްޓެވެ. ކެންވަސްގައި އެންބްރޮއިޑް ކުރުމާއި ޕެޓް-ސްކެޗް ހެދުން ފަދަ ރީތި މަސައްކަތްތަކެއް ފެންނަން އެބަ ހުއްޓެވެ. އެންމެ ހާއްސައީ "އައިލެންޑް ބާޒާރް" އާ ގުޅިގެން ކުރި ޕްރޮޖެކްޓް މަސައްކަތް ކަމަށް ރައުހާ ބުންޏެވެ.

"މިހާރު މަސައްކަތް ކޮންމެވެސް ވަރަކަށް ކުރިޔަސް ވީޑިއޯ ތައް ވެސް ހަދަން. އަޅުގަނޑު މި ހަދާ ގޮތަކީ ފިޒިކަލް ކްލާސް ނަގައި ދެވެން ނެތީމަ، އެމްބްރޮއިޑޮރީ ކިޓް ވިއްކަނީ އޭގައި ކިޔުއާރް ކޯޑެއް ހަރުކޮށްފަ. އެ ކިޔު އާރް ކޯޑް ސްކޭން ކުރީމަ އަޅުގަނޑު ގެ ޓިއުޓޯރިއަލް ވީޑިއޯ ފެންނަ ގޮތަށް ހަދާފަ މި ހުންނަނީ،"

ރައުހާ ބުނީ، އޭނަގެ މަސައްކަތް ކަމުގޮސްގެން އޭނަގެ ފަރާތުން މަސައްކަތް ދަސްކުރަން ބޭނުންވެގެން މީހުން އަހާ ކަމަށެވެ. ނަމަވެސް މަންމަ އަކީ ހައިރިސްކް މީހަކަށް ވާތީއާ އެކު އަދި ފިޒިކަލް ކްލާސް ނެގެން ނެތުމުނާއި މިވަގުތު ވަޒީފާ އެއް ވެސް ނެތުމުން މީހުންނަށް އޭނާގެ އެހީތެރިކަން ފޯރުުކޮށްދެނީ ވިއްކާ ކިޓްތައް މެދުވެރިކޮށް ކަމަށް އޭނާ ބުންޏެވެ.

ރައުހާ ބުނާ ގޮތުން އޭނާ އަކީ އަބަދު ވެސް ކަންކަމާ މެދު ވަރަށް ޕޮޒިޓިވް ކޮށް ވިސްނާ "އޮޕްޓިމިސްޓް" އެކެވެ. ހަޔާތުގެ މަދު އަހަރުތަކުން ދަސްވި ފިލާވަޅުތަކާއެކު އެއްވެސް ކަމެއްގައި ހިއްވަރު ދެރަ ނުކޮށް ކުރިއަށް ދިއުމަކީ ދިރިއުޅުން ކާމިޔާބުކުރަން އޭނާ ހިފާ އަމާޒެވެ. އެއީ އެހެން ޒުވާނުންނަށް ވެސް ރައުހާ ދޭން އޮތް މެސެޖެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox