ސައުތުގޭޓް، އިންގްލެންޑްގެ ޕެނަލްޓީތަކުގެ ޒިންމާ ނަގައިފި

Jul 12, 2021, 7:05 AM
ސައުތުގޭޓް، އިންގްލެންޑްގެ ޕެނަލްޓީތަކުގެ ޒިންމާ ނަގައިފި

ލަންޑަން (ޖުލައި 12) - ޔޫރޯ ފުޓްބޯޅަ މުބާރާތުގެ ފައިނަލުގައި ރޭ ޕެނަލްޓީ ޖަހައިގެން އިޓަލީ އަތުން އިންގްލެންޑް ބަލިވިއިރު، އެ ޓީމުގެ ޕެނަލްޓީތައް ޖަހަން ކުޅުންތެރިން ކަނޑައެޅީ އޭނާ ކަމަށާއި ބަލިވުމާއި އެ ހުރިހާ ކަމެއްގެ ޒިންމާ ނަގާ ކަމަށް އިންގްލެންޑްގެ ކޯޗު ގަރެތު ސައުތުގޭޓް ބުނެފި އެވެ.

އިންގްލެންޑުން އަމިއްލަ ގައުމުގައި 1996 ވަނަ އަހަރު ބޭއްވި ޔޫރޯގެ ސެމީ ފައިނަލުގައި ޕެނަލްޓީ ޖަހައިގެން ބަލިވީ ޖަރުމަނާ ދެކޮޅަށް ސައުތުގޭޓް ފޮނުވާލި ޕެނަލްޓީ ނާކާމިޔާބު ވުމުންނެވެ.

މި ފަހަރުގެ ޔޫރޯގެ ފައިނަލުގައި ރޭ ޕެނަލްޓީއާ ދިމާކޮށް ސައުތުގޭޓް ވަނީ ޖޭޑަން ސަންޗޯ އާއި މާކަސް ރެޝްފޯޑް ކުޅެން އަރުވައިފަ އެވެ. އެއީ ޕެނަލްޓީ އަށް ހާއްސަކޮށް ކުރި ދެ ބަދަލެވެ. އިންގްލެންޑް ބަލިވީ ފަހު ތިން ޕެނަލްޓީ ކާމިޔާބު ނުކުރެވިގެންނެވެ. ތިން ވަނަ ޕެނަލްޓީ ރެޝްފޯޑް ފޮނުވާލި ނަމަވެސް ދަނޑީގައި ޖެހިފައި ދިޔައީ ބޭރަށެވެ. ހަތަރު ވަނަ ޕެނަލްޓީގައި ސަންޗޯ ފޮނުވާލި ބޯޅަ އިޓަލީގެ ޖިއަންލުއީޖީ ޑޮންނަރުންމާ ވަނީ މަތަކޮށްފަ އެވެ. އިންގްލެންޑްގެ ފަސް ވަނަ ޕެނަލްޓީ ޖަހަން ދިޔައީ އުމުރުން 19 އަހަރުގެ ބުކާޔޯ ސަކާ އެވެ. އޭނާ ޖެހި ޕެނަލްޓީ ޑޮންނަރުންމާ މަތަކުރިއިރު، މެޗުން ވެސް އިޓަލީ މޮޅުވީ އެވެ. ސަކާ އަކީ ވެސް ބަދަލެއްގެ ގޮތުގައި އެރި ކުޅުންތެރިއެކެވެ.

ބަދަލު ކުޅުންތެރިއެއްގެ ގޮތުގައި ކުޅެން އެރި ތިން ކުޅުންތެރިން ލައްވައި ފަހު ތިން ޕެނަލްޓީ ޖެހުމާއި ފަހު ޕެނަލްޓީ ޖަހަން ތަޖުރިބާކާރު އަދި ފައިނަލް މެޗުގައި ގިނަ ވަގުތު ކުޅުނު ކުޅުންތެރިއަކު ނުނެގީތީ ސައުތުގޭޓަށް ވަނީ ފާޑުކިޔުން އަމާޒުވެފަ އެވެ.

"ޕެނަލްޓީ ޖަހާނެ ކުޅުންތެރިން ނަގަނީ އަހަރެން. އެއީ ޓްރެއިނިން އަށް ބަލާފައި އަހަރެން ކުރާ ކަމެއް. އެެއީ ކުޅުންތެރިން އަމިއްލަ އަށް ނިންމާ ނިންމުމެއް ނޫން. މީގެ ނަސީބުގެ އެހީ ލިބޭ ފަހަރާއި ނުލިބޭ ފަހަރު އަންނާނީ. މީގެ ވަކި ކުޅުންތެރިއަކުގެ ބޮލުގައި ކަމެއް އަޅުވަން ނެތިން. ޕެނަލްޓީގެ ޒިންމާ އަދި މި ނަތީޖާގެ ޒިންމާ އަހަރެން ނަގަން،" ސައުތުގޭޓް ބުންޏެވެ.

ސައުުތުގޭޓް ބުނީ ސަކާ އަތުން އެ ޕެނަލްޓީ ނާކާމިޔާބު ވުމަކީ ހުރިހާ ކަމެއްގެ ނިމުމެއް ނޫން ކަަމަށާއި ފުޓްބޯޅަ ކެރިއަރުގައި ގިނަ ކަންތައްތަކެއް ހާސިލްކުރެވޭނެ ފަދަ ހުނަރު ސަކާގެ ކިބައިގައި އެބަހުރި ކަމަށެވެ.

މެންޗެސްޓާ ޔުނައިޓެޑްގެ ކުރީގެ ކެޕްޓަން އަދި އަޔަލެންޑްގެ ކުރީގެ ކުޅުންތެރިޔާ ރޯއީ ކީން ބުނީ ސަކާ ލައްވައި ފަހު ޕެނަލްޓީ ޖެހުމުގެ ބަދަލުގައި އިންގްލެންޑުން އެކަން ކުރަން ޖެހޭނީ ޖެކް ގްރީލިޝް ނޫނީ ރަހީމް ސްޓާލިން ލައްވައި ކަމަށެވެ. އޭގެ ބަދަލުގައި ސަކާއާ ހަވާލުކުރީ އޭނާ އަށް ޕްރެޝަރު ބޮޑު ޒިންމާއެއް ކަމަށެވެ.

އިންގްލެންޑްގެ ކެޕްޓަން ހެރީ ކޭން ބުނީ ޕެނަލްޓީ ޖަހައިގެން ބަލިވުމުން ފުން ހިތާމައެއް ކުރަން ޖެހުނު ކަމަށާއި އަމިއްލަ ގައުމުގައި ކުޅޭ ބޮޑު މުބާރާތެއްގައި ކާމިޔާބު ހޯދަން ބަލާއިރު މި ގެއްލުނީ ވަރަށް ބޮޑު ފުރުސަތެއް ކަމަށެވެ. އެކަމަކު މުޅި މުބާރާތަށް ބަލާއިރު މުޅިން އަލަށް ޔޫރޯގެ ފައިނަލެއް ކުޅެލުން އެއީ ކުރިއެރުމެއްގެ ގޮތުގައި ތާރީހުން ފެންނަން އޮންނާނެ ކަމަށް ކޭން ބުންޏެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox