ތާވަލު އޮތީ އިންގްލެންޑް ފައިނަލަށް ދާން ފަސޭހަކޮށް: ކިއެލީނީ

Jul 10, 2021, 9:06 AM
އިޓަލީގެ މެޗެއްގެ ތެރެއިން ކިއެލީނީ (ކ).-- ފޮޓޯ: އޭއެފްޕީ

އިޓަލީގެ މެޗެއްގެ ތެރެއިން ކިއެލީނީ (ކ).-- ފޮޓޯ: އޭއެފްޕީ

ލަންޑަން (ޖުލައި 10) - މި ފަހަރުގެ ޔޫރޯ ފުޓްބޯޅަ މުބާރާތުގެ ޝެޑިއުލް ރޭވިފައި އޮތްގޮތުން އިންގްލެންޑް ފައިނަލުގައި ކުޅޭނެ ކަމަށް ކުރިން ވެސް ބެލެވުނު ކަމަށް އިޓަލީގެ ޑިފެންޑަރު ޖިއޮޖިއޯ ކިއެލީނީ ބުނެފި އެވެ.

މާދަމާރޭ އިޓަލީއާ ދެކޮޅަށް އިންގްލެންޑް ކުޅޭ ޔޫރޯގެ ފައިނަލް މެޗު ވެސް އޮންނާނީ އިނގިރޭސި ސްޓޭޑިއަމް ވެމްބްލީގަ އެވެ.

އުމުރުން 36 އަހަރުގެ ތަޖުރިބާކާރު ޑިފެންޑަރު ކިއެލީނީ ބުނީ މިހާތަނަށް މުބާރާތުގައި އިންގްލެންޑުން ކުޅުނު ކޮންމެ މެޗެއްގައި ވެސް އެ ޓީމުން ފޯކަސް ކޮށްގެން ކުޅުނީ ހަމައެކަނި ނަތީޖާ ނެރެން ކަމަށާއި ކުޅުމަށް ބަލާއިރު، އިންގްލެންޑްގެ ކިބައިން އާދަޔާހިލާފު ކުޅުމެއް ނުފެންނަ ކަމަށެވެ.

Advertisement

"އެންމެ ފަހުން ވޯލްޑް ކަޕްގައި ވެސް އިންގްލެންޑް ސެމީ ފައިނަލުގައި ކުޅުނު. އަނެއްކޮޅުން މި ފަހަރުގެ ޔޫރޯގައި ޕްރެޑިކްޓް ކޮށްލަން ވެސް ފަސޭހަކޮށް އޮތީ އިންގްލެންޑް ފައިނަލުގައި ކުޅެފާނެކަން. އެއީ އެ މީހުން މިހާތަނަށް ކުޅުނު ހަތް މެޗުގެ ތެރެއިން ހަ މެޗު ކުޅުނީ އަމިއްލަ ދަނޑުގައި،" ކިއެލީނީ ބުންޏެވެ.

އޭނާ ބުނީ އިންގްލެންޑް ޓީމުގެ ބެންޗުގައި ތިބި ކުޅުންތެރިންގެ ފެންވަރަށް ބަލާއިރު ވެސް ވަރުގަދަ ކަމަށެވެ. އަދި އެ ކުޅުންތެރިން ލައިގެން ޓީމެއް ހަދައިގެން ވެސް ޔޫރޯ ކާމިޔާބު ކުރެވިދާނެ ކަމަށް ކިއެލީނީ ވަނީ ބުނެފަ އެވެ. އިންގްލެންޑުން މުޅިން އަލަށް ޔޫރޯ ފައިނަލުގައި ކުޅޭތީ އެ ޓީމު ފަސޭހަވާނެ ކަމަށް ދެކުން އެއީ ގޯހެއް ކަމަށް ކިއެލީނީ ގަބޫލުކުރެ އެވެ.

"ބަލާ ބެލުމަށް ބައެއް މީހުންނަށް ހީވެދާނެ އިންގްލެންޑަކީ ފަސޭހަ ޓީމެކޭ. އެކަމަކު އެ ޓީމު ބަލިކުރަން ވަރަށް އުނދަގޫވާނެ. އެކަން އަހަރެމެންނަށް އެނގޭ،" ކިއެލީނީ ބުންޏެވެ.

ނޮކައުޓް ބުރުގައި އިންގްލެންޑްގެ ހެރީ ކޭން އަންނަނީ މޮޅު ކުޅުމެއް ދައްކަމުންނެވެ. އޭނާ މުބާރާުތުގައި ޖެހި ހަތަރު ގޯލު ވެސް ކާމިޔާބުކުރީ ނޮކައުޓް ބުރުގެ ތިން މެޗުގަ އެވެ.

ކިއެލީނީ ބުނީ ކޭންއާ ދެކޮޅަށް ކްލަބް ލެވަލްގައި ކުޅުނުއިރު، އޭނާ އަކީ ތަފާތު ކުޅުންތެރިއެއް ކަން އެނގުނު ކަމަށާއި މާދަމާރޭގެ މެޗުގައި ކޭންގެ ހުއްޓުވުން ވެގެންދާނީ އުނދަގޫ ޗެލެންޖަކަށް ކަމަށެވެ.

ކިއެލީނީ ބުނީ އިޓަލީން ހަމައެކަނި ވިސްނާނީ ކޭން އަށް ނޫން ކަމަށާއި ވަކިވަކި ކުޅުންތެރިންނަށް ބަލާއިރު، ކޭން ނޫނަސް އިންގްލެންޑް ޓީމުގައި މޮޅެތި ކުޅުންތެރިން އެބަތިބި ކަމަށެވެ.

ފައިނަލާ ކުރިމަތިލާއިރު، އިޓަލީ އޮތީ ރަނގަޅު ރެކޯޑެއްގަ އެވެ. އެ ޓީމު އެންމެ ފަހުން ކުޅުނު 33 މެޗުން ވެސް ބަލިވެފައިނުވެ އެވެ. އިޓަލީ އެންމެ ފަހުން ޔޫރޯ ފައިނަލުގައި ކުޅުނީ 2012 ވަނަ އަހަރު އެވެ. އިޓަލީން ޔޫރަޕްގެ ޗެމްޕިއަންކަން ހޯދީ 1968 ވަނަ އަަހަރު އެވެ. އެ ފަހަރުގެ ފައިނަލުގައި އިޓަލީން ވަނީ ޔޫގޯސްލާވިއާ ބަލިކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox