ފަހު މިނިޓްގައި ގޯލު ޖަހައި ޔޫކްރެއިން ކުއާޓާ އަށް

Jun 29, 2021, 10:13 PM
ލަނޑު ޖެހުމަށް ފަހު ޔޫކްރެއިންގެ ޑޮބްވިކް (ކ) އުފާފާޅުކުރަނީ.

ލަނޑު ޖެހުމަށް ފަހު ޔޫކްރެއިންގެ ޑޮބްވިކް (ކ) އުފާފާޅުކުރަނީ.

ގްލާސްގޯ (ޖޫން 30) - ޔޫރޯ ފުޓްބޯޅަ މުބާރާތުގެ ދެ ވަނަ ބުރުގެ ފަހު މެޗުގައި މިރޭ ފަހު މިނިޓްގައި ގޯލު ޖަހައި 2-1 އިން ސްވިޑެން ބަލިކޮށް، ޔޫކްރެއިން ފުރަތަމަ ފަހަރަށް މުބާރާތުގެ ކުއާޓާ ފައިނަލުން ފުރުސަތު ހޯދައިފި އެވެ.

މިރޭގެ މެޗަކީ ޔޫކްރެއިން ޔޫރޯގެ ނޮކައުޓް ބުރުގައި ކުޅުނު ފުރަތަމަ މެޗެވެ. މި މެޗުން ޔޫކްރެއިން މޮޅުވެފައިވާއިރު، އެ ޓީމު އަންނަ ހޮނިހިރު ދުވަހު ކުއާޓާ ފައިނަލުގައި ކުޅޭނީ މިރޭ ޖަރުމަނު ކަޓުވާލި އިންގްލެންޑާ ދެކޮޅަށެވެ.

ސްކޮޓްލެންޑްގެ ހެމްޕްޑެން ޕާކުގައި މިރޭ ކުޅުނު މެޗުގައި ގޯލާ ސީދާކޮށް ފުރަތަމަ ނުރައްކާތެރި ހަމަލާ ފޮނުވާލީ ޔޫކްރެއިން އިންނެވެ. އެ ޓީމުގެ ކެޕްޓަން އެންޑީ ޔާމޮލެންކޯ ދިން ބޯޅައަކުން ކުރިއަށް ކުޅޭ ރޯމަން ޔަރެމްޗުކް ޖެހި ބޯޅަ ސްވިޑެން ކީޕަރު ރޮބިން އޮލްސެން ވަނީ މަތަކޮށްފަ އެވެ.

އޭގެ ފަހުން ސްވިޑެންގެ ކުރިއަށް ކުޅޭ ތިން ކުޅުންތެރިން ކަމަށްވާ އަލެކްސަންޑަ އިސާކް އާއި އެމީލް ފޯސްބާގް އަދި ޑޭޖާން ކުލުސެވްސްކީގެ ކޮމްބިނޭޝަނާ އެކު ޔޫކްރެއިންގެ ފަހަތަށް ބާރު ބޮޑުކުރަން ފެށި އެވެ. ފޯސްބާގް ޖެހި ބޯޅައެއް ބްލޮކްވިއިރު، އިސާކް ޖެހި ބޯޅަ ދިޔައީ އަރިމަތިން ބޭރުންނެވެ.

ޔޫކްރެއިނުން ލީޑުނެގީ މެޗުގެ 27 ވަނަ މިނިޓްގަ އެވެ. އޭރިއާތެރެއިން ޔާމޮލެންކޯ ހުސްކޮށްލާފައި ދިން ބޯޅަ އޮލެކްސަންޑަ ޒިންޗެންކޯ ވާތު ފައިން ބާރަށް ފޮނުވާލިއިރު، ބޯޅަ ގޯލަށް ވަނީ ކީޕަރު އޮލްސަން އަތުގައި ޖެހިފަ އެވެ.

ނަތީޖާ ހަމަހަމަކުރަން ސްވިޑެންގެ ކެޕްޓަން ސެބަސްޓިއަން ލާސެން ހިލޭ ޖެހުމަކުން ޖެހި ބޯޅައެއް ޔޫކްރެއިން ކީޕަރު ޖިއޯޖީ ބުސްޗާން ވަނީ މަތަކޮށްފަ އެެެވެ. އެކަމަކު މެޗުގެ 43 ވަނަ މިނިޓްގައި ފޯސްބާގް ޖެހި ބޯޅަ ބުސްޗާން އަށް ހުއްޓުވޭ ގޮތެއްނުވި އެވެ. އޭރިއާބޭރުން ފޯސްބާގް ޖެހި ބޯޅަ ގޯލަށް ވަނީ ޔޫކްރެއިން ޑިފެންޑަރެއް ފައިގައި ޖެހިފަ އެވެ. މިއީ މި ފަހަރުގެ މުބާރާތުގައި ފޯސްބާގް ޖެހި ހަތަރު ވަނަ ގޯލެވެ.

ލަނޑު ޖެހުމަށް ފަހު ފޯސްބާގް (މ) އެ ޓީމުގެ ކުޅުންތެރިންނާ އެކު އުފާފާޅުކުރަނީ.

ދެ ވަނަ ހާފްގެ ފުރަތަމަ 10 މިނިޓް ތެރޭ ދެ ޓީމުން ވެސް ވަނީ ގޯލެއް ޖެހުމާ ގާތަށް ޖެހިލައިފަ އެވެ. މެޗުގެ 55 ވަނަ މިނިޓްގައި ޔޫކްރެއިންގެ ޔާމޮލެންކޯ ދިން ބޯޅައަކުން ސޭހީ ސިޑޯޗުކް ޖެހި ބޯޅަ ގޯލުގެ ދަނޑި އަށް އަމާޒުވިއިރު، ކައުންޓަ އެޓޭކެއްގައި އިސާކް ދިން ބޯޅައަކުން ފޯސްބާގް ޖެހި ބޯޅަ ބޭރުވީ ދަނޑީގައި ޖެހިފަ އެވެ.

މެޗުގެ 66 ވަނަ މިނިޓްގައި އޭރިއާތެރެއިން ކުުލުސެވްސްކީ ޖެހި ބޯޅަ ތެރެއިން ޔޫކްރެއިންގެ ކީޕަރު ބުސްޗާން ވަނީ މަތަކޮށްފަ އެވެ. އޭގެ ދެ މިނިޓް ފަހުން ޔޫކްރެއިން ދެ ކުޅުންތެރިން ކައިރިން ނައްޓާފައި ފޯސްބާގް އޭރިއާތެެރެއިން ޖެހި ޝޮޓް އަމާޒުވީ ގޯލުގެ ހުރަސްދަނޑި އަށެވެ.

މެޗުގެ ފުރިހަމަ ވަގުތު ހަމަވިއިރު، ނަތީޖާ 1-1 އިން އެއްވަރުވެފައި އޮތުމުން ވަނީ ނަތީޖާނެރެން އިތުުރު ވަގުތު ދެ ދެ ހާފް ކުޅެފަ އެވެ. އިތުރު ވަގުތުގެ ފުރަތަމަ ހާފުގައި ވަނީ ސްވިޑެންގެ މާކަސް ޑެނިއަލްސަން ކުރި ނުރައްކާތެރި ފައުލަކަށް އޭނާ އަށް ރަތް ކާޑެއް ދައްކައިފަ އެވެ. މިއީ ޔޫރޯގެ މެޗެއްގެ އިތުރު ވަގުތުގެ ހާފެއްގެ ތެރޭގައި ދެއްކި ހަތަރު ވަނަ ރަތް ކާޑެވެ. މީގެ ކުރިން އެންމެ ފަހުން އިތުރު ވަގުތުގެ ހާފެއްގައި ދެއްކި ރަތް ކާޑަކީ 2000 ވަނަ އަހަރުގެ މުބާރާތުގައި ޕޯޗުގަލްގެ ނޫނޯ ގޯމޭޒް އަށް ދެއްކި ރަތް ކާޑެވެ.

މެޗު އެއްވަރުވެގެން ޕެނަލްޓީ އަށް ދާނެ ކަމަށް ނިންމައިގެން ތިއްބައި ޔޫކްރެއިން މޮޅުވި ގޯލު ޖެހީ އިތުރު ވަގުތުގެ ދެ ވަނަ ހާފްގެ ވެސް ފަހު މިނިޓްގަ އެވެ. ފުރިހަމަ ވަގުތު ހަމަވެގެން އިތުރަށް ދެއްކި މިނިޓްގައި މި ގޯލު ޖެހީ ޒިންޗެންކޯ ނެގި ހުރަހަކުން އާޓެމް ޑޮބްވިކް ބޮލުންނެވެ. ޑޮބްވިކް ކުޅެން އެރީ ކެޕްޓަން ޔާމޮލެންކޯ އަށް ލިބުނު އަނިޔާއެއްގެ ސަބަބުން އޭނާގެ ބަދަލުގަ އެވެ.

މިއީ ޔޫރޯ ތާރީހުގައި ދެ ވަނަ އަށް އެންމެ ލަހުން ޖެހި ގޯލެވެ. ޑޮބްވިކް ގޯލު ޖެހިއިރު، 120 މިނިޓާއި 37 ސިކުންތެވެ. އެންމެ ލަހުން ޖެހި ގޯލަކީ 2008 ވަނަ އަހަރުގެ ޔޫރޯގައި 121 މިނިޓާއި އެއް ސިކުންތު ހިނގިތަނާ ކްރޮއޭޝިއާ ކޮޅަށް ލަނޑު ޖެހި ތުރުކީގެ ސެމީހް ސެންޓާކްގެ ގޯލެވެ.

ކުއާޓާ ފައިނަލްގެ މެޗުތައް:

ބެލްޖިއަމް - އިޓަލީ (ހުކުރު/2 ޖުލައި 2021)

ސްވިޒަލެންޑް - ސްޕެއިން (ހުކުރު/2 ޖުލައި 2021)

އިންގްލެންޑް - ޔޫކްރެއިން (ހޮނިހިރު/3 ޖުލައި 2021)

ޑެންމާކް - ޗެކް ރިޕަބްލިކް (ހޮނިހިރު/3 ޖުލައި 2021)

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox