ޝަޒީގެ ޓިކްޓޮކަށް ގެނައި އަޕްގްރޭޑުގެ އަޕްޑޭޓެއް!

ޝަޒީގެ ޓިކްޓޮކަށް ގެނައި އަޕްގްރޭޑުގެ އަޕްޑޭޓެއް!

ޝަޒީލާ އިބްރާހިމް ނުވަތަ އަހަރެމެން އެންމެ ވެސް ދަންނަ "ޓިކްޓޮކް ޝަޒީ" އަކީ އެއް ގޮތަކަށް ވުރެ ގިނަ ގޮތްގޮތުން ހުނަރުވެރި އާޓިސްޓެކެވެ. އޭނާ ކުޅެލާ މަޖާ ޓިކްޓޮކް ވީޑިއޯ އަކަސް، ދޫކޮށްލާ މޭކަޕް ޓިއުޓޯރިއަލް އަކަސް، އެތައް ބަޔަކު އެ ބަލާހިތްވެ އެވެ. ފޮލޯކުރެ އެވެ. ޒާތީ ދިރިއުޅުމުގައި އުޅޭ ނޫޅޭގޮތް ބަލާހިތްވެ އެވެ. ތިން ލައްކަ ފަސްދޮޅަހެއްހާ މީހުން ޓިކްޓޮކްގައި ފޮލޯކުރާ މި ހުނަރުވެރިޔާގެ އެތައް ވާހަކަތަކެއް އެބަހުއްޓެވެ.

އެހެންވީމާ، މި އާޓިކަލް ގައި ދައްކަން މި އުޅެނީ ހިންދީ ފިލްމުތަކަށް އޮތް "ދީވާނާ" ލޯތްބަކާ ހެދި ޓިކްޓޮކް ގައި އެކްޓްކުރަން ފެށި ޝަޒީގެ އެ މާޒީ ބާއްވާފައި މިހާރުގެ އާ ވާހަކަ ތަކެވެ. މިހާ ދުވަސް ވަންދެން ޝަޒީ ޓިކްޓޮކް ވީޑިއޯ ހަދައި އުޅުނު ގޮތް މުޅިން ކަހަލަ ގޮތަކަށް ބަދަލުކޮށްލައި، ގެނައި އާ "އަޕްގްރޭޑަށް" މީހުންގެ ހިތް ދަމައިގަނެގެން ގޮސް ބަނޑަށް ހެއްވައިލި ގޮތާއި، މި އަފްގްރޭޑަކާ އެކު އާޓިސްޓެއްގެ ގޮތުގައި އޭނާގެ ސެލްޕް ޑިވެލޮޕްމަންޓަށް އައި ސަޅި ބަދަލުގެ ވާހަކަ ޝަޒީ ކިޔައިދިން ގޮތަށެވެ.

"ދުވަހަކު ވެސް ޕްލޭނެއް ނުކުރަން ރަށު ބަހުން ވީޑިއޯ ތަކެއް ހަދަން. އަމުދުން، އަމިއްލަ އަޑު ބޭނުންކޮށްގެން ވީޑިއޯ ތަކެއް ހަދަން އެއްގޮތަކަށް ވެސް ނުވިސްނަން. ވަރަށް އަންކޮމްފޮޓަބަލް ކަމެއް އެއީ. އެކަމަކު މިހާރު މި ވީޑިއޯ ތައް ހަދައިގެން މީހުންގެ ތަރުހީބު ލިބުނު ވަރުން ވަރަށް ބޮޑު ކޮންފިޑެންސެއް ލިބިއްޖެ،" ޝަޒީ ފެށި އެވެ.

Advertisement

ފަހުގެ ވީޑިއޯ ތަކުގައި ޝަޒީ މުޅިން ވެސް ވާހަކަ ދައްކަނީ އޭނާގެ ރަށު ބަހުންނެވެ. ހޭލުންތެރިކުރުމުގެ މެސެޖުތަކާއި ބިއުޓީ އަދި ސްކިން ކެއާ ހެކްސް އާއި ކުޑައިރުގެ ހަނދާންތައް އާކުރުވައިދޭ ހާދިސާތައް ހެއްވާ މަޖާ ކޮންސެޕްޓަކަށް ގެނެސްދޭން ފަށައިގެން ޝަޒީ އަސްލަށް ވެސް އަޒުމެއްގައި މިފަހަރު ހިފައިފި އެވެ. އޭނާ ބޭނުންވަނީ ލިބިފައި އޮތް ބޮޑު ފޮލޯބޭސް އާއި މަޝްހޫރުކަން ބޭނުންކޮށްގެން މުޖުތަމައަށް ރަނގަޅު ބަދަލެއް އަންނާނެ ކަންތައްތަކެއް ކުރާށެވެ.

"މިހާރު ވަރަށް ގިނަ މީހުންނަށް ޝަޒީ އެނގޭ. އެހެންވީމަ ގަބޫލުކުރަން ޝަޒީ އަކީ އިންފްލުއެންސާ އެއް ކަމަށް. އެހެންވީމަ ހިތަށް އަރަނީ މިވަރުގެ ފޮލޯ ބޭސް އެއް ލިބުނީމަ، އެކަން ބޭކާރަށް ދުއްވައި ނުލާނަމޭ ދެނެއް،" ޝަޒީ ބުންޏެވެ.

ކޮންސެޕްޓް ބޭސްޑް ވީޑިއޯ ތަކުގެ އިތުރަށް ކުދި ވިޔަފާރިތަކަށް ހިއްވަރުދީ ޕްރޮމޯޓް ކުރުމަށް ވެސް ޝަޒީ އޭނާގެ ހެންޑްލް ބޭނުންކުރެ އެވެ.

"އަސްލު އެންމެ މުހިއްމުކަމަކީ ޝަޒީ އަށް މިހާރު ގަބޫލުކުރެވޭ ޝަޒީ އަކީ ލިބިފައި މި އޮތް ޕްލެޓްފޯމްގެ ބޭނުންކޮށްގެން ބަޔަކަށް އެހީތެރިކަމެއް ނުވަތަ އުފާވެރިކަމެއް، ނުވަތަ ކަމަކަށް ހޭލުންތެރިކުރެވިދާނެ މައުލޫމާތު ގެނެސްދެވިދާނެ މީހެއް ކަމަށް،"

"ފަހަރުގައި ވެދާނެ އުމުރާ އެކު އަންނަ މެޗުއަރިޓީ އާއި ގާތް މީހުންގެ ސަޕޯޓްގެ ސަބަބުން ނަފްސަށް ކުރާ އިތުބާރު ކުރިއަށްވުރެ އިތުރުވީ ކަމަށް ވެސް،" މިހެން ބުނެފައި ޝަޒީ ޖަހައިލީ ހިނިގަނޑެކެވެ.

ގއ ވިލިނގިލީ ބަހުން ޝަޒީ މިހާރު ގެނެސްދޭ ވީޑިއޯ ތަކުގައި އެންމެ ސަޅީ، މީގައި އޭނާ ކުޅޭ މަންމަ- ދަރިފުޅު ޑުއޯ އެވެ. މި ދެ ކެރެކްޓާގެ ކޮމިކް ޓައިމިންގް އާއި ދެ ކެރެކްޓާ އޭނާ ކުޅެލާ ގޮތް ވެސް މީހުންނަށް ކަމުހިނގައްޖެ އެވެ. ޝަޒީ ސިފަކުރަނީ، އޭނާގެ މި އަޕްޑޭޓަކީ ޕޮޒިޓިވް ބަދަލެއްގެ އާ ފެށުމެއްގެ ގޮތުގަ އެވެ.

"މީގެ ކުރިން ޝަޒީ ހެދިން އިނގިރޭސި ބަހުން ފޭޝަލް ޓިއުޓޯރިއަލް އެއް. އެއީ ވެސް ކޮމްފޯޓް ޒޯނުން ބޭރުން ކުރި ކަމެއް. ޝަޒީ އަކީ އިނގިރޭސިން ވާހަކަ ދައްކަން ޖެހިލުންވާ މީހެއް އެހާ މޮޅު ނޫން ވީމާ. މިހާރު އެކަމަކު އެހާ ބޮޑަކަށް މީހުން ބުނާނެ އެއްޗަކަށް ނުވަތަ ކުރާނެ މަލާމާތަކަށް ނުވިސްނަން. ހިތަށް އަރަނީ މީހުން ބަލައިގަންނާތީ އޭ މިހާރުވެސް މިހާ ގިނަ ފޭނުން ލިބުނީ. އެހެންވީމަ ހައިޑް ކުރުމުގެ ބޭނުމެއް ނެތޭ،" ޝަޒީ ބުންޏެވެ.

ޝަޒީ ބުނިހެން އޭނާގެ އާ އަޕްޑޭޓް ސަޅި އެވެ. އަދި އާ އަޕްޑޭޓާ އެކު ޝަޒީގެ ކޮންފިޑޭންސާއި ކްރިއޭޓިވިޓީ އަށް އައި ބަދަލު އަދި މާ ސަޅި އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox