ސްޕެއިނުގެ ލެޖެންޑް ވިޔާ އިންޑިއާ ފުޓްބޯޅަ ކްލަބެއްގެ އިސް މަގާމަކަށް

May 18, 2021, 5:06 AM
2020 ވިސެލް ކޯބޭގެ މެޗެއްގެ ތެރެއިން ވިޔާ.-- ފޮޓޯ: އޭއެފްޕީ

2020 ވިސެލް ކޯބޭގެ މެޗެއްގެ ތެރެއިން ވިޔާ.-- ފޮޓޯ: އޭއެފްޕީ

ބުބަނޭޝްވަރު، އިންޑިއާ (މެއި 18) - އިންޑިއަން ސުޕަ ލީގު (އައިއެސްއެލް)ގެ ކްލަބް އޮޑިޝާ އެފްސީގެ ހެޑް އޮފް ގްލޯބަލް ފުޓްބޯލް އޮޕަރޭޝަންސްގެ ގޮތުގައި ސްޕެއިނުގެ ފުޓްބޯޅަ ލެޖެންޑް ޑޭވިޑް ވިޔާ ހަަމަޖައްސާފައިވާއިރު، ކްލަބްގެ ހިންގާ ކޮމިޓީގެ އެޑްވައިޒަރެއްގެ ގޮތުގައި އޭނާ މަސައްކަތް ކުރަން ފަށައިފި އެވެ.

މީގެ ދެ އަހަރު ކުރިން ފުޓްބޯޅައިން ރިޓަޔާކުރި ކުރީގެ މަޝްހޫރު ފޯވާޑް ވިޔާ، އޮޑިޝާ އެފްސީގެ މަގާމަށް ހަމަޖެއްސީ މި މަހުގެ ކުރީކޮޅުގަ އެވެ. އައިއެސްއެލްގެ އެންމެ ފަހު ސީޒަނުގައި އޮޑިޝާ ނިންމާލީ ލީގުގެ އެންމެ ފުލުގައި އޮވެ އެވެ. އެހެންވެ އެ ކްލަބްގެ ހިންގުމުގެ މޮޑެލް ބަދަލުކުރަން އެ ޓީމުން މަސައްކަތް ފެށީ އެވެ. ފުރަތަމަ ކަމަކަށް މަޝްހޫރު ފަރާތަކާ ގުޅިގެން ޑިވެލޮޕްމަންޓް މަސައްކަތްކުރަން ނިންމައި ވިޔާއާ ގުޅުން ބަދަހިކޮށް އޭނާ އިސް މަގާމަކަށް ހަމަޖެއްސީ އެވެ.

ވިޔާ ބުނީ އޭނާ ފުޓްބޯޅައިގެ މަތީ ފަންތީގައި 20 އަހަރު ހޭދަކުރިއިރު، އޭގެއިން ލިބުނު ތަޖުރިބާގެ އެހީގައި އޮޑިޝާ އަށް ރަނގަޅު ހިދުމަތްތަކެއް ކޮށްދޭން ބޭނުންވާ ކަމަށެވެ.

"އަހަރެން އިންޑިއާގައި ނުކުޅެން. އެކަމަކު ޕްރޮފެޝަނަލް ފުޓްބޯޅައިގައި 20 ވަރަކަށް އަހަރު ކުޅެފައި ވަރަށް ގިނަ ކަންކަން ހާސިލްކުރިން. އެކެޑަމީ ލެވަލްގައި ގިނަ ކަންކަން ދަސްކުރިން. އަހަރެންގެ މި ހުރި ތަޖުރިބާގެ އެހީގައި އޮޑިޝާ އަށް އެހީވެދޭނަން،" ސްޕެއިނަށް ޔޫރޯ އާއި ވޯލްޑް ކަޕް ކާމިޔާބުކުރި ސްކޮޑުގައި މުހިއްމު ދައުރެއް އަދާކުރި ވިޔާ ބުންޏެވެ.

ސްޕެއިންގެ މެޗެއްގެ ތެެރެއިން ލަނޑު ޖެހުމަށް ފަހު ވިޔާ އުފާފާޅުކުރަނީ.-- ފޮޓޯ: އޭއެފްޕީ

ރިޕޯޓްތައް ބުނާގޮތުން އޮޑިޝާ އިން ޒުވާން ކުޅުންތެރިން ޑިވެލޮޕްކުރުން ކުރިއަށްގެންދާނީ ވިޔާގެ ޑީވީ7 (ޑޭވިޑްވިޔާސެވަން) ގްރޫޕް މެދުވެރިކޮށެވެ. އަދި އޮޑިޝާ އަށް ބިދޭސީ ކުޅުންތެރިން ރެކްރޫޓްކުރުމުގައި ދެން ވިޔާގެ އެހީ ވަރަށް ބޮޑަށް ހޯދާނެ އެވެ. އޭޖެންޓުންނާ މަަޝްވަރާކުރާއިރު މެދުވެރިއެއްގެ ރޯލު އަދާކުރާނީ ވިޔާ އެވެ.

އޮޑިޝާގެ ސީއީއޯ ރޯހަން ޝަރްމާ ބުނީ ޑީވީ7 ގްރޫޕާ އެކު މި ގާއިމްކުރެވުނު ގުޅުމަކީ ހަަމައެކަނި އޮޑިޝާ އަށް ފައިދާކުރާނެ ކަމެއް ނޫން ކަމަށެވެ. މީގެ ސަބަބުން އިންޑިއާ ފުޓްބޯޅައިގެ ޑިވެލޮޕްމަންޓަށް ވެސް ރަނގަޅު ބަދަލުތަކެއް އަންނާނެ ކަމަށް ރޯހަން ގަބޫލުކުރެ އެވެ.

އުމުރުން 39 އަހަރުގެ ވިޔާ އަންނަނީ އެމެރިކާގައި އޭނާ އިންވެސްޓްކުރާ ޓީމެއްގެ މަސައްކަތް ކުރަމުންނެވެ. ކުއީންސްބޮރޯ އެފްސީގެ ނަމުގައި ފަށާ އެ ޓީމު އަންނަ އަހަރު އެމެރިކާ ލީގުގައި ވާދަކުރާނެ ކަމަށް ރިޕޯޓްތައް ބުނެ އެވެ. ސްޕެއިނުގެ މީޑިއާ ރިޕޯޓްތައް ބުނާގޮތުން ކުއީންސްބޮރޯގެ މެޖޯރިޓީ ހިއްސާދާރަކީ ވިޔާގެ ޑީވީ7 ގްރޫޕެވެ.

ސްޕެއިން ގައުމީ ޓީމަށް 98 މެޗު ކުޅެދީފައިވާ ވިޔާ އަކީ 59 ގޯލާ އެކު އެ ގައުމުގެ ތާރީހުގައި އެންމެ ގިނަ ލަނޑު ޖަހައިދިން ކުޅުންތެރިޔާ އެވެ. ސްޕެއިނުގެ ރަން ޖީލުން 2008 އިން 2012 އަށް ދުނިޔޭގެ ފުޓްބޯޅައިގައި ހޯދި ބޮޑެތި ކާމިޔާބީތަކުގައި ވިޔާގެ ދައުރު ބޮޑެވެ.

ސްޕޯޓިން ގިޔޯން އިން 2000 ވަނަ އަހަރު ސީނިއާ ފުޓްބޯޅަ ކެރިއަރު ފެށި ވިޔާ ދެން ބަދަލުވީ ޒަރަގޯޒާ އަށެވެ. އޭނާ ގިނަ ބަޔަކަށް ފާހަގަވާން ފެށީ 2005 ވަނަ އަހަރު ވެލެންސިއާ އަށް ބަދަލުވެ ދައްކަން ފެށި ކުޅުމުގެ ސަބަބުންނެވެ. އެ އަށް ފަހު ބާސެލޯނާ އަށް ބަދަލުވެ އެ ޓީމުގައި ތިން ސީޒަން ހޭދަކޮށް ފަހުން ވިޔާ ފެނުނީ އެތުލެޓިކޯ މެޑްރިޑުންނެވެ. އޭގެ ފަހުން އެމެރިކާ ލީގު (އެމްއެލްއެސް)ގެ ނިއުޔޯކް ސިޓީ އާއި އޮސްޓްރޭލިއާގެ މެލްބަން ސިޓީ އަށް ކުޅުނެވެ. ވިޔާ ރިޓަޔާ ކުރުމުގެ ކުރިން އެންމެ ފަހުން ކުޅުނީ ޖަޕާނުގެ ވިސެލް ކޯބޭ އަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox