"އެންމެން ކައިގެން" މާލޭން ބޭރަށް، މިއީ ގަދަ ޓީމެއް!

"އެންމެން ކައިގެން" މާލޭން ބޭރަށް، މިއީ ގަދަ ޓީމެއް!

ތަރާވީސް ނިމި، ގަޑިން 9:30 ވުމާއެކު ކާއެއްޗެހި ބަންދުކުރާ ކަރުދާހާއި ސާމާނުތައް ހިފައިގެން ޒުވާނުންތަކެއް ހެންވޭރު މުނިއުފާ ޔޫތު ސެންޓަރަށް ޖަމާވެ އެވެ. އެތަނުގެ ގޯތިތެރޭގައި ސަތަރި ދަމައިގެން ހަދާފައިވާ ނިވަލެއްގެ ދަށުގައި މޭޒުތަކެއް އަތުރާލައިގެން ކާއެއްޗެހީގެ އިންތިޒާރުގައި އެ ޒުވާނުން ތިބެ އެވެ. ކާއެއްޗެއް ހިފައިގެން މީހަކު އައުމުން އެމީހަކަށް ޝުކުރު އަދާކޮށްފައި ކޮތަޅު ހިފައިގެން ގޮސް އޭގައި ހުރި އެއްޗެއް ބަލައި ޗެކު ކުރުމަށްފަހު, މީހަކަށް އެއް އިރު ބަނޑުފުރައި ކެވޭ ވަރަށް ޕޯޝަން ބަހާލައި, ފަހަރަކު ކޮތަޅަކުން ބާވަތެއް ހިމަނައިގެން އަލުން އާ ޕާރުސަލް ތަކަކަށް ތައްޔާރުކުރެ އެވެ. އިރުކޮޅަކުން އެ ޕާރުސަލްތައް ހޯދަން ދިގު ކިޔޫއެއް އެތަނުގައި ދަމާލަ އެވެ. ގިނައީ ބިދޭސީ މަސައްކަތްތެރިންނެވެ. އެއާއެކު މި ސައިކަލް މިއަށްވުރެ ހަލުވިކޮށް ހިނގައިގަނެ އެވެ.

މިއީ މީގެ ދުވަސްކޮޅެއް ކުރިން ދިވެހި ދެ ޒުވާނަކު ރޯދަ މަހު ކެއުމުގެ އިސްރާފު ކުޑަކޮށް، ހާލުގައި އުޅޭ މީހުންގެ ސުފުރާތައް ފުރައިލަދިނުމަށް ވިސްނި ވިސްނުމެއްގެ ތެރެއިން ފެށުނު "އެންމެން ކައިގެން" ހަރަކާތް "ބިޒީ" ވެ، އަތޮޅު ތެރެއަށް ފުޅާވެގެން ދިޔަ ގޮތުގެ ވާހަކަ އެވެ.

Advertisement

އެ ހަރަކާތަށް 13 ވަރަކަށް ދުވަސް ވީއިރު، މާލެއާއި ހުޅުމާލޭގެ އިތުރުން ވިލިމާލެ، އައްޑޫ ސިޓީ އަދި ފުވައްމުލަކު ސިޓީގައި ވެސް މިކަން ހިނގައިގަނެފި އެވެ. އައްޑޫ އާއި ފުވައްމުލަކުގައި މި ހަރަކާތް ހިންގަނީ މައި ހަރަކާތުން އިންސްޕަޔާވެ، ހިތްޖެހިގެން އެ ރަށްތަކުން ޒުވާނުން އިސްނަގައިގެންނެވެ.

"ހަގީގަތުގައި އަޖުމަ ބަލައިލަން ފެށި ހަރަކާތެއް މިއީ. ހިއެއް ނުކުރަން މިހާ އަވަހަށް މީހުންގެ ތަރުހީބު ލިބި މާލޭން ބޭރަށް މީތި ފުޅާވެގެން ގޮސްދާނެއެކޭ. ފެށި އިރު އެވަރުގެ ޕްލޭނެއް ނުވެސް ނެތް،" އެންމެން ކައިގެން މޫވްމަންޓްގެ ކޯ ފައުންޑާ ޝައްމަ ގައްޔޫމް ބުންޏެވެ.

ރޯދަ މަހާއެކު ކާތަކެތި ގިނައިން އިސްރާފުކުރަން ޖެހޭ ވާހަކަ އަކީ ގިނައިން ދެކެވޭ ވާހަކަ އެކެވެ. ޝައްމަ އާއި އޭނާގެ ޓީމުން ފެށި މި ހަރަކާތުން ހިތްވަރު ދެނީ، ގޭގައި ހަދާ ކާތަކެތިން ނުކެވި ބާކީވާ ކާއެތިކޮޅު އުކާ ލުމުގެ ބަދަލުގައި ރައްކާތެރިކަމާ އެކު ޕެކު ކޮށްގެން ގެނެސް، އެމީހުންނާ ހަވާލު ކުރުމަށެވެ. އޭރުން އެ ކާތަކެތި ހާލުގައި ތިބި މީހުންނާއި ކާއެއްޗިއްސަށް ބޭނުންޖެހިފައި ތިބި މީހުންނަށް ރައްކާތެރިކަމާ އެކު އެ ޓީމުން ފޯރުކޮށްދޭނެ އެވެ.

ރޯދަމަހުގެ ދިހަ ވަނަ ދުވަހުން ފެށިގެން ޝައްމަ އާއި އޭނާގެ ޓީމުން ރޭގަނޑުގެ ބޮޑު ބައެއް ހޭދަކުރަނީ މި މަސައްކަތުގައި މީހުންނަށް އެހީތެރިވުމުގަ އެވެ. އެ ހަރަކާތުގެ ތެރޭގައި މުޅިން ވެސް އުޅެނީ އަމިއްލަޔަށް އިސްވެގެން އެހީވާން އަންނަ ޒުވާން ކުދިން ތަކެކެވެ.

އެންމެން ކައިގެން ހަރަކާތުގެ މާލެ އޭރިއާގެ ބައެއް ވޮލަންޓިއަރުން
އެންމެން ކައިގެން ހަރަކާތުގެ މާލެ އޭރިއާގެ ބައެއް ވޮލަންޓިއަރުން

އެންމެން ކައިގެން ހަރަކާތުގެ މާލެ އޭރިއާގެ ބައެއް ވޮލަންޓިއަރުން

"ވަރަށް އުފާވޭ ބަރަކާތްތެރި މަހަކަށް މި މަސް ވެފައި، މިކަހަލަ ޕްލެޓްފޯމެއްގެ ތެރެއިން މީހުންނަށް އެހީތެރިކަމެއް ފޯރުކޮށްދެވޭތީ. ގޭގައި ނުވަތަ ބޭރު ތެރޭގައި ފޫހި ފިލުވަން އުޅުމުގެ ބަދަލުގައި މިކަހަލަ ކަމެއްގައި އުޅެލެވުމުން ލިބޭ ހިތްހަމަޖެހުން މާ ބޮޑު. އެހެންވީމަ ވަރަށް އުފަލުން މިކަން މި ކުރަނީ،" "އެންމެން ކައިގެން" މާލެ ހަރަކާތުގައި ދެވަނަ ރެއިން ފެށިގެން ވޮލަންޓިއަރަކަށް އުޅޭ ހުސައިން މުއާން ބުންޏެވެ.

މުއާން އެތަނަށް އަންނަނީ އޭނާއަށް ވީ ވަރަކުން ގެނެވެން ތިބި ހުރިހާ ރައްޓެހިން ގޮވައިގެންނެވެ. އޭނާ ދެކޭ ގޮތުގައި މުޖުތަމައަށް ފައިދާކުރާ މަސައްކަތްތަކުގައި ޒުވާނުން ނިކުތް ވަރަކަށް މުޖުތަމައު އިން ހެޔޮ ބަދަލު ފެންނާނެ އެވެ. ފައިދާހުރި ކަންކަމުގައި މީހުންގެ ސަޕޯޓު ވެސް ލިބޭނެ އެވެ.

"މި ހަރަކާތް ފެށީމަ އަޅުގަނޑަށް ގަބޫލުކުރެވުނީ ރޯދަމަހުގެ އިސްރާފު ކުޑަކުރެވޭނެ ގޮތްތައް އެބަ ހުރިކަން. މީހުންނަށް ބޭނުންވީ ކުޑަ އެހީއެއް. ޕްލެޓްފޯމެއް ލިބުމާއެކު އެތައް ބަޔަކު އެބަ އާދޭ ގަވާއިދުން ގޭގައި ބާކީވާ ކާއެއްޗެހި އުކާނުލައި ހިފައިގެން މިތަނަށް،" އެހީގެ މި ހަރަކާތަށް ލިބޭ ތަރުހީބުން އުފާވެ، ހިތް ފުރިފައި ހުރި ޝައްމަ ބުންޏެވެ.

ވިލިނގިލީގައި ބަހައްޓާފައި ހުރި "އެންމެން ކައިގެން" ހަރަކާތުގެ މޭޒު: މި ހަރަކާތް މާލޭގެ އިތުރުން އައްޑޫ އާއި ފުވައްމުލަކުގައި ވެސް ވަނީ ފަށާފައި
ވިލިނގިލީގައި ބަހައްޓާފައި ހުރި "އެންމެން ކައިގެން" ހަރަކާތުގެ މޭޒު: މި ހަރަކާތް މާލޭގެ އިތުރުން އައްޑޫ އާއި ފުވައްމުލަކުގައި ވެސް ވަނީ ފަށާފައި

ވިލިނގިލީގައި ބަހައްޓާފައި ހުރި "އެންމެން ކައިގެން" ހަރަކާތުގެ މޭޒު: މި ހަރަކާތް މާލޭގެ އިތުރުން އައްޑޫ އާއި ފުވައްމުލަކުގައި ވެސް ވަނީ ފަށާފައި

އޭނާ ބުނީ، އެތަނަށް މިހާތަނަށް ގެނައި އެއްވެސް އެއްޗެއް ގިނަވެގެން އުކާލަން ނުޖެހޭ ކަމަށެވެ. ބޭނުން ޖެހިފައި ތިބި މީހުންނަށް ދިނުމަށް ފަހު ބާކީވެފައި ހުރެއްޖެނަމަ، އެ ތަކެތި މަސްވެރިންގެ ޕާކު ފަދަ މައިދާންތަކަށް ގެންގޮސް ބަހާލަނީ ކަމަށެވެ.

އެހެންވީމަ މަދު ޒުވާނުންތަކެއް ފެށި މި އާދަޔާ ހިލާފު ހަރަކާތް ވަރަށް ކާމިޔާބެވެ. އެއިން އެތައް ބަޔަކަށް ހިތްހަމަޖެހުން ގެނުވައިދީ އެތައް ބައެއްގެ ބަނޑު ފުރާލަދީފި އެވެ. ޝައްމަ ބުނި ގޮތުގައި މިހާތަނަށް އައި އިރު ހަރަކާތުގެ އަސްލު މަގްސަދު ވަރަށް ބޮޑަށް ހާސިލް ވެއްޖެ ކަމަށެވެ.

އެކަމަކު، މާލޭގައި ކޮވިޑް ކޭސްތައް އިތުރުވެ، އެއްވެ އުޅުން ރައްކާތެރި ގޮތެއް ކަމުގައި ނުވާތީ "އެންމެން ކައިގެން" ޓީމުން ވަނީ މިރެއިން ފެށިގެން މާލެ ސަރަހައްދުގައި ކާބޯތަކެތި ފޯރުކޮށްދޭ ގޮތަށް ބަދަލު ގެނެސްފަ އެވެ. އެގޮތުން ގޭގެއިން އިތުރުވާ ބައި ނެގުމުގެ ބަދަލުގައި ޕެކޭޖް ބޭނުންޖެހިފައިވާ މީހުންނަށް ދެން ކާއެއްޗެހި ގެންގޮސްދޭނީ އެޓީމުގެ މެންބަރުންނެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox