އިންޓަ ލީގާ ގާތަށް، ޔުވެންޓަސް އަށް ހާސްކަން

Apr 25, 2021, 9:20 PM
ލަނޑު ޖެހުމަށް ފަހު އިންޓަގެ ޑާމިއަން އުފާާފާޅުކުރަނީ.-- ފޮޓޯ: އޭއެފްޕީ

ލަނޑު ޖެހުމަށް ފަހު އިންޓަގެ ޑާމިއަން އުފާާފާޅުކުރަނީ.-- ފޮޓޯ: އޭއެފްޕީ

މިލާން (އޭޕްރީލް 26) - އިޓާލިއަން ލީގުގައި މިރޭ 1-0 އިން ހެލަސް ވެރޯނާ ބަލިކޮށް އިންޓަ މިލާނުން ލީގު ހޯދުމާ ގާތަށް ޖެހިލިއިރު، އެންމެ ފަހުގެ ޗެމްޕިއަން ޔުވެންޓަސް 1-1 އިން ފިއޮރެންޓީނާއާ އެއްވަރުވެ ގަދަ ހަތަރެއްގައި ލީގު ނިންމާލުމަށް ޕްރެޝަރާ ކުރިމަތިލާން ޖެހިއްޖެ އެވެ.

މިރޭގެ މޮޅާ އެކު ލީގުގެ އެއް ވަނައިގައި އިންޓަ އިން ވަނީ 11 ޕޮއިންޓަށް ލީޑުފުޅާކޮށްފަ އެވެ. ލީގުގައި ބާކީ އޮތް ފަސް މެޗުން ލީގު ކަށަަވަރުކުރަން އިންޓަ އަށް ބޭނުންވަނީ ހަ ޕޮއިންޓެވެ. އިންޓަ އިން އެންމެ ފަހުން ލީގު ކާމިޔާބުކުރީ 2010 ވަނަ އަހަރު އެވެ.

އިންޓަ މި ވަގުތު އެއް ވަަނައިގައި އޮތީ 33 މެޗުން 79 ޕޮއިންޓާ އެކު އެވެ. މިރޭ ބޮލޯނިއާ އަތުން 5-0 އިން މޮޅުވެ، އެޓަލަންޓާ ވަނީ 33 މެޗުން 68 ޕޮއިންޓް ހަމަކޮށް ލީގުގެ ދެ ވަނަ އަށް ޖެހިލައިފަ އެވެ. ތިން ވަނައިގައި އޮތް އޭސީ މިލާނާއި ހަތަރެއްގައި އޮތް ޔުވެންޓަސްގެ އޮތީ 66 ޕޮއިންޓެވެ. މިލާނުން 32 މެޗު ކުޅުނުއިރު، ޔުވެންޓަސް އިން 33 މެޗު ކުޅެފި އެވެ. މިލާން މާދަމާރޭ ލާޒިއޯ އަތުން މޮޅުވެއްޖެނަމަ އަލުން އެ ޓީމަަށް ދެ ވަަނަ އަށް އެރޭނެ އެވެ.

Advertisement

ޔުވެންޓަސްގެ ފަހަތުން ގަދަ ހަތަރެއްގައި ނިންމައި އަންނަ ސީޒަނުގެ ޗެމްޕިއަންސް ލީގަށް ކޮލިފައިވާން މަސައްކަތްކުރަމުން އަންނަނީ ފަސް ވަނައިގައި އޮތް ނަޕޯލީ އާއި ހަ ވަނައިގައި އޮތް ލާޒިއޯ އެވެ.

އިންޓަ އިން ޖެހިޖެހިގެން ތިން ވަނަ މެޗުން އެއްވަރުވާން ދަނިކޮށް މެޗުގެ 76 ވަނަ މިނިޓްގައި އެ ޓީމު ސަލާމަތްކޮށްދިނީ ފުލްބެކް މަޓެއޯ ޑާމިއަން ޖެހި ގޯލުންނެވެ. މިއީ މި މަސް ތެރޭ އިންޓަ ކޮޅަށް މެޗެއްގެ ނަތީޖާ އަނބުރާލައިދޭން ޑާމިއަން އެހީވި ދެ ވަަނަ ފަހަރެވެ. ކަލިއަރީ އަތުން މި މަހު 11 ވަަނަ ދުވަހު އިންޓަ މޮޅުކޮށްދިން ގޯލު ޖެހީ ވެސް ޑާމިއަން އެވެ.

ފިއޮރެންޓީނާ ދަނޑުގައި ކުޅުނު މެޗުގައި ޔުވެންޓަސް ކޮޅަށް ފިއޮރެންޓީނާގެ ގޯލު ޖެހީ ފުރަތަމަ ހާފުގައި ލިބުނު ޕެނަލްޓީ އަކުން ޑޫސާން ވްލަހޯވިޗް އެވެ. ދެ ވަނަ ހާފްގެ ކުޅުން ފެށިތަނުން ހުއާން ކުއަޑްރާޑޯ ދިން ބޯޅައަކުން އަލްވާރޯ މޮރާޓާ ވަނީ ޔުވެންޓަސް އަށް އެއްވަރުކޮށްދީފަ އެވެ. ފިއޮރެންޓީނާ އާއި ޔުވެންޓަސް އަށް ވެސް މެޗުން މޮޅުވާން ރަނގަޅު ފުރުސަތުތަކެއް ލިބި ބޭނުމެއް ނުކުރެވުނެވެ.

ޔުވެންޓަސްގެ ކޯޗު އަންދްރޭ ޕިރްލޯ ވަނީ މި މެޗުގައި ފިއޮރެންޓީނާ އަށް ދިން ޕެނަލްޓީ ރަނގަޅު ނޫން ކަމަށް ބުނެފަ އެވެ. ޔުވެންޓަސްގެ އޭޑްރިއަން ރަބިއޯ އަތުގައި ބޯޅަ ޖެހިގެން ޕެނަލްޓީ ދޭން ނިންމީ ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފަ އެވެ. ޕިރްލޯ ބުނީ ރަބިއޯ އަތުުގައި ބޯޅަ ޖެހުނީ ކައިރީގައި ހުރި ފިއޮރެންޓީނާ ކުޅުންތެރިޔާ އޭނާ ކޮށްޕާލުމުން ކަމަށެވެ.

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox