ލިވަޕޫލް އަތުގައި ނަތީޖާ އަނބުރާލުމުގެ ތާރީހެއް އޮތަސް ރެއާލް ތަފާތު: ކްލޮޕް

Apr 14, 2021, 5:08 AM
ލިވަޕޫލްގެ ކޯޗު ކްލޮޕް ނޫސްވެރިންގެ ބައްދަލުވުމުގެ ތެރެއިން.-- ފޮޓޯ: އޭއެފްޕީ

ލިވަޕޫލްގެ ކޯޗު ކްލޮޕް ނޫސްވެރިންގެ ބައްދަލުވުމުގެ ތެރެއިން.-- ފޮޓޯ: އޭއެފްޕީ

ލިވަޕޫލް (އޭޕްރީލް 14) - ލިވަޕޫލް އަތުގައި ޗެމްޕިއަންސް ލީގުގައި ނަތީޖާ އަނބުރާލުމުގެ ތާރީހެއް އޮތް ކަމުގައި ވިޔަސް މި ފަހަރުގެ މުބާރާތުގެ ކުއާޓާ ފައިނަލުގެ ދެ ވަނަ ލެގުގައި މިރޭ ރެއާލް މެޑްރިޑާ ދެކޮޅަށް ކުޅޭ މެޗު މުޅިން ތަފާތު ކަމަށް ލިވަޕޫލްގެ ކޯޗު ޔާގެން ކްލޮޕް ބުނެފި އެވެ.

މިދިޔަ ހަފްތާގައި ރެއާލް ދަނޑުގައި ކުޅުނު ފުރަތަމަ ލެގުގެ މެޗުން ލިވަޕޫލް ވަނީ 3-1 އިން ބަލިވެފަ އެވެ. ޗެމްޕިއަންސް ލީގުގެ ސެމީ ފައިނަލުން ފުރުސަތު ހޯދާނަމަ މިރޭ އަމިއްލަ ދަނޑުގައި ރެއާލް އަތުން މަދުވެގެން ދެ ގޯލުގެ ތަފާތުން ލިވަޕޫލް މޮޅުވާން ޖެހޭނެ އެވެ.

މީގެ ކުރިން ޗެމްޕިއަންސް ލީގުގައި ލިވަޕޫލް ވަނީ ދެ ވަނަ ލެގުގައި ގިނަ ފަހަރުތަކެއްގައި ނަތީޖާ އަނބުރާލައިފަ އެވެ. އެންމެ ފަހުން ކްލޮޕް ހުއްޓައި އެކަން ހާސިލްކުރީ 2019 ވަނަ އަހަރުގެ ސެމީ ފައިނަލުގައި ބާސެލޯނާއާ ދެކޮޅަށެވެ. އެ ފަހަރު ފުރަތަމަ ލެގުގައި ބާސެލޯނާ ދަނޑުގައި ލިވަޕޫލް ބަލިވީ 3-0 އިންނެވެ. ދެ ވަނަ ލެގުގައި ލިވަޕޫލް ވަނީ 4-0 އިން މޮޅުވެ ފައިނަލުން ފުރުސަތު ހޯދައިފަ އެވެ.

Advertisement

މިރޭ ރެއާލާ ދެކޮޅަށް ކުޅޭ މެޗުގެ ކުރިން އޮތް ނޫސްވެރިންގެ ބައްދަލުވުމުގައި ކްލޮޕް ބުނީ ރެއާލާ ދެކޮޅަށް ކުޅޭ ދެ ވަނަ ލެގު ތަފާތު ވުމުގެ އެންމެ ބޮޑު އެއް ސަބަބަކީ ސަޕޯޓަރުން ނުވައްދައި މެޗު ކުޅެން ޖެހުން ކަމަށެވެ. އަދި ތަންކޮޅެއް ޕޮޒިޓިވް ވިސްނުމަކުން ޕްރެޝަރު ކުޑަކޮށް މި މެޗަށް ތައްޔާރުވާ ކަމަށްވާނަމަ ލިވަޕޫލަށް މި ވަގުތު ގެއްލޭނެ މާ ބޮޑު އެއްޗެއް ނެތް ކަމަށް ކްލޮޕް ބުންޏެވެ.

"ފުރަތަމަ ލެގުގައި 3-1 އިން ބަލިވުމުން ދެން ގާތްގަނޑަކަށް މުބާރާތުން ކެޓުން އެންމެ ގާތްވާނީ. މާޒީގައި ނަތީޖާ އަނބުރާލެވިފައި ހުރުމަކީ އެކަން އަބަދުވެސް ކުރެވޭނެކަން ޔަގީންކޮށްގެން ހުރުމެއް ނޫން. މީގެ ޖެހޭނީ އެ ހާލަތެއްގައި އެންމެ ރަނގަޅު ފުޓްބޯޅަ ކުޅެން. އޭރުން ފުރުސަތެއް އޮތީ،" ކްލޮޕް ބުންޏެވެ.

"ރެއާލް އަކީ ތަފާތު ޓީމެއް. އަހަރެމެން ބަލިކުރިތާ ދުވަސްކޮޅެއް ފަހުން އެ މީހުން (ރެއާލް) ބާސެލޯނާ ބަލިކޮށްފި. އެ މީހުން އެ އޮތީ ރަނގަޅު ފޯމެއްގައި. އެކަމަކު އެ ހުރިހާ ކަމަކަށް ނުވިސްނައި އަހަރެެމެން (ލިވަޕޫލުން) އަމިއްލަ ގޭމް ކުޅެން އުޅެފިނަމަ މީގެ ވަރަށް ރަނގަޅު ކަންތައްތަކެއް ކުރެވިދާނެ،"

ކްލޮޕް ބުނީ މީގެ އެންމެ ބޮޑު ފުރުސަތެއް އޮތީ ގޯލެއް ވަނަނުދޭން ކުރެވޭނެ ހުރިހާ މަސައްކަތެއް ކުރުމަށް ފަހު ރެއާލް ދަނޑުގައި ދެއްކި ކުޅުމަށް ވުރެ ދެގުނަ ރަނގަޅަށް ކުޅެ ގޯލު ޖަހާނެ އިތުރު ފުރުސަތުތައް ތަނަވަސްކުރުމުން ކަމަށެވެ.

ރެއާލްގެ ކޯޗު ޒިދާން (ކ) އާއި ލިވަޕޫލްގެ ކޯޗު ކްލޮޕް ފުރަތަމަ ލެގުގެ ތެރެެއިން.-- ފޮޓޯ: ގެޓީއިމޭޖަސް
ރެއާލްގެ ކޯޗު ޒިދާން (ކ) އާއި ލިވަޕޫލްގެ ކޯޗު ކްލޮޕް ފުރަތަމަ ލެގުގެ ތެރެެއިން.-- ފޮޓޯ: ގެޓީއިމޭޖަސް

ރެއާލްގެ ކޯޗު ޒިދާން (ކ) އާއި ލިވަޕޫލްގެ ކޯޗު ކްލޮޕް ފުރަތަމަ ލެގުގެ ތެރެެއިން.-- ފޮޓޯ: ގެޓީއިމޭޖަސް

އަނިޔާގެ މައްސަލަތަކާ އެކު ވެސް ރެއާލުން ވަނީ ފުރަތަމަ ލެގުގައި ލިވަޕޫލް ބަލިކޮށްފަ އެވެ. ފުރަަތަމަ ލެގުގައި ލިވަޕޫލާ ދެކޮޅަށް ރަނގަޅު ކުޅުމެއް ދެއްކި ރެއާލްގެ ފުލްބެކް ލޫކަސް ވަޒްކޭޒަށް އަނިޔާވެ އޭނާ އަށް ސީޒަން ނިމުމުގެ ބިރު ބޮޑުވެފަ އެވެ. ރެއާލްގެ ކޯޗު ޒިނެދިން ޒިދާން ބުނީ އަނިޔާގެ މައްސަލަ ކިތަންމެ ބޮޑު ނަމަވެސް އެއީ ޝަކުވާ އަކަށް ހަދައިގެން އެ ވާހަކަ ދައްކަން ބޭނުންނުވާ ކަމަށެވެ.

"އަހަންނަށް އެނގޭ ގިނަ ކޯޗުންނަމަ މިހާރު މި އޮތް އަނިޔާގެ މައްސަލަތަކުގެ ވާހަކަ ދައްކާނެކަން. އަހަރެން ބޭނުމެއް ނޫން އެކަން ކުރަން. އަހަރެން ބޭނުންވަނީ ތިބި ކުޅުންތެރިން ލައިގެން މިކަން ކުރެވޭނެ ގޮތެއް ހޯދަން. އެ ގޮތުން މި މެޗުގައި ވެސް އަހަރެމެން 100 ޕަސެންޓް ދޭނަން،" ޒިދާން ބުންޏެވެ.

ޔޫރަޕްގެ މުބާރާތުގައި އެންމެ ފުރަތަމަ ރެއާލާ ދެކޮޅަށް ކުޅުނު ތިން މެޗުން ވެސް ލިވަޕޫލް މޮޅުވި އެވެ. އެކަމަކު އޭގެ ފަހުން ކުޅުނު ހަތަރު މެޗުން ވެސް މި ވަނީ ބަލިވެފަ އެވެ. ޔޫރަޕްގެ މުބާރާތްތަކުގެ ތާރީހުގައި ނޮކައުޓު ބުރުގައި ލިވަޕޫލުން ބަލިވި 11 މެޗުގެ ތެރެއިން ފަސް މެޗުން ބަލިވީ ސްޕެއިން ޓީމުތަކާ ދެކޮޅަށެވެ. މިރޭގެ މެޗުން ރެއާލް މޮޅުވެއްޖެނަމަ އެ ޓީމު ވެގެންދާނީ ލިވަޕޫލް ދަނޑުގައި ދެ މެޗުން މޮޅުވި ސްޕެއިނަށް ނިސްބަތްވާ ދެ ވަނަ ޓީމަށެވެ.

ލިވަޕޫލާއި ރެއާލް ކުޅޭ މެޗު ފަށާނީ މިރޭ 12 ޖަހާއިރު އެވެ. މި މެޗުން މޮޅުވާ ޓީމެއް ސެމީ ފައިނަލުގައި ކުޅެން ޖެހޭނީ ޗެލްސީއާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox