ޕީއެސްޖީ އަށް އަދި ސެމީ ޔަގީނެއް ނޫން، ބަޔާން ދުލެއް ނުދޭނެ: ޕޮޗެޓީނޯ

Apr 13, 2021, 5:11 AM
ޕީއެސްޖީގެ ކޯޗު މައުރީސިއޯ ޕޮޗެޓީނޯ.-- ފޮޓޯ: އޭއެފްޕީ

ޕީއެސްޖީގެ ކޯޗު މައުރީސިއޯ ޕޮޗެޓީނޯ.-- ފޮޓޯ: އޭއެފްޕީ

ޕެރިސް (އޭޕްރީލް 13) - ޗެމްޕިއަންސް ލީގުގެ ކުއާޓާ ފައިނަލުގެ ފުރަތަމަ ލެގުން ބަޔާން މިއުނިކް އަތުން ރަށުންބޭރުގައި ޕީއެސްޖީ މޮޅުވެފައިވީ ނަމަވެސް އަދި މުބާރާތުގެ ސެމީ ފައިނަލުން އެ ޓީމަށް ފުރުސަތު ނުލިބޭ ކަމަށް ޕީއެސްޖީގެ ކޯޗު މައުރީސިއޯ ޕޮޗެޓީނޯ ބުނެފި އެވެ.

މިދިޔަ ހަފްތާގައި ބަޔާން ދަނޑުގައި ކުޅުނު މެޗުން ޕީއެސްޖީ ވަނީ 3-2 އިން މޮޅުވެފަ އެވެ. މިރޭ ޕީއެސްޖީ ދަނޑުގައި ކުޅޭ ދެ ވަނަ ލެގުގެ މެޗު އެއްވަރު ކޮށްލައިގެން ވެސް ޕީއެސްޖީ އަށް ޖެހިޖެހިގެން ދެ ވަނަ ފަހަރަށް ސެމީން ފުރުސަތު ހޯދޭނެ އެވެ. މިދިޔަ އަހަރުގެ ޗެމްޕިއަންސް ލީގުގެ ފައިނަލުން ބަޔާން ވަނީ ޕީއެސްޖީ 1-0 އިން ބަލިކޮށްފަ އެވެެ.

މިރޭ ކުޅޭ ދެ ވަނަ ލެގުގެ މެޗުގެ ކުރިން އޮތް ނޫސްވެރިންގެ ބައްދަލުވުމުގައި ޕޮޗެޓީނޯ ބުނީ މި ސީޒަނުގެ ޗެމްޕިއަންސް ލީގުގެ ނަތީޖާތަކަށް ބަލާއިރު، ޕީއެސްޖީ ކޮޅަށް އެންމެ ބޮޑަށް ބުރަވެފައި ހުރީ ރަށުންބޭރުގައި ކުޅޭ މެޗުތައް ކަމަށެވެ. އަދި އަމިއްލަ ދަނޑުގައި ކުޅޭ މެޗުތަކުގައި އެ ޓީމަށް އޮންނަ ޕްރެޝަރު ބޮޑު ކަމަށާއި އެކަން ބަޔާން މެޗުގައި ކޮންމެވެސް ވަރަކަށް ތަކުރާރުވާނެ ކަމަށާއި ނަމަވެސް ޕީއެސްޖީން ޖެހޭނީ މި ޗެލެންޖަށް ރަނގަޅަށް ތައްޔާރުވާން ކަމަށް ޕޮޗެޓީނޯ ގަބޫލުކުރެ އެވެ.

Advertisement

"ގަބޫލުކުރަންޖެހޭ ހަގީގަތަކީ ބަޔާނަކީ މި ވަގުތު ޔޫރަޕްގެ އެންމެ މޮޅު އަދި ދުނިޔޭގެ ވެސް އެންމެ ވަރުގަދަ ކްލަބް. އަހަރެމެންނަށް (ދެ ވަނަ ބުރުގައި) ބާސެލޯނާއާ ދެކޮޅަށް ވެސް އަމިއްލަ ދަނޑުގައި އުނދަގޫވި. ސްކޮޑަށް ބަލާއިރު ބާސެލޯނާ އަށް ވުރެ ބަޔާން ވަރުގަދަ. އެހެންވީމަ އެ ވަރަށް ވިސްނާލިޔަސް ކުރިމަތީގައި މި އޮތް ޗެލެންޖް އުނދަގޫކަން އިހުސާސްކުރެވޭ،" ޓޮޓެންހަމާ އެކު 2019 ވަނަ އަހަރުގެ ފައިނަލުގައި ލިވަޕޫލް އަތުން ބަލިވި ޕޮޗެޓީނޯ ބުންޏެވެ.

ބަޔާންގެ ކޯޗުކަމާ ހަންސީ ފްލިކް ހަވާލުވި ފަހުން ޗެމްޕިއަންސް ލީގުގައި އެ ޓީމު ކުޅުނު 17 މެޗުގެ ތެރެއިން ބަލިވީ ޕީއެސްޖީ އަތުން އެކަންޏެވެ. މިދިޔަ ހަފްތާގައި އަލިއާންޒް އެރީނާގައި ޕީއެސްޖީއާ ދެކޮޅަށް ކުޅުނު މެޗުން ބަޔާން ބަލިވި ނަމަވެސް އެ ޓީމުން ވަނީ ގިނަ އެޓޭކްތަކެއް ކޮށްފަ އެވެ. އެ ގޮތުން ބަޔާނުން ވަނީ ގޯލު ޖަހަން 31 ހަމަލާ ފޮނުވާލައިފަ އެވެ.

ފްލިކް ބުނީ ބަޔާނުން ޕީއެސްޖީ ބަލިކުރާނަމަ ޖެހޭނީ ލިބޭ ފުރަތަމަ ފުރުސަތުގެ ބޭނުން ހިފަން ކަމަށާއި މީގެ ފަރުވާ ކުޑަކޮށްލެވޭނެ އެއްވެސް ޖާގައެއް ނެތް ކަމަށެވެ. ބަޔާނަށް މި ވަގުތު އޮތް ކަންބޮޑުވުމަކީ އަނިޔާގެ ސަބަބުން އެ ޓީމުގެ އެއް ވަަނަ ފޯވާޑް އަދި މިދިޔަ އަހަރު ދުނިޔޭގެ އެންމެ މޮޅު ކުޅުންތެރިޔާގެ މަގާމު ހޯދި ރޮބަޓް ލެވަންޑޯސްކީ އަނިޔާގައި ހުރުމެވެ.

ޕީއެސްޖީގެ ދަނޑުގައި ބަޔާނާ ދެކޮޅަށް ކުޅޭ މެޗު ފަށާނީ މިރޭ 12 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox