ވެސްޓް ހޭމް ހަތަރަކަށް، ޔުނައިޓެޑުން ޓޮޓެންހަމް ބަލިކޮށްފި

Apr 11, 2021, 5:37 PM
ޔުނައިޓެޑްގެ ފަހު ގޯލު ޖެހި ގްރީންވުޑް.-- ފޮޓޯ: ގެޓީއިމޭޖަސް

ޔުނައިޓެޑްގެ ފަހު ގޯލު ޖެހި ގްރީންވުޑް.-- ފޮޓޯ: ގެޓީއިމޭޖަސް

ލަންޑަން (އޭޕްރީލް 11) - އިނގިރޭސި ޕްރިމިއާ ލީގުގައި މިރޭ އަމިއްލަ ދަނޑުގައި 3-2 އިން ލެސްޓާ ސިޓީ ބަލިކޮށް ވެސްޓް ހޭމް ޔުނައިޓެޑް ލީގުގެ ހަތަރު ވަނަ އަށް ޖެހިލިއިރު، ފަހަތުން އަރައި ޓޮޓެންހަމް ހޮޓްސްޕާސް އަތުން 3-1 އިން މެންޗެސްޓާ ޔުނައިޓެޑް މޮޅުވެއްޖެ އެވެ.

ތިން ވަނައިގައި އޮތް ލެސްޓާ އަތުން މޮޅުވެ ވެސްޓް ހޭމް ހަތަރަކަށް އެރީ 31 މެޗުން 55 ޕޮއިންޓް ހޯދައިގެންނެވެ. ލެސްޓާ ތިން ވަނައިގައި އޮތީ 31 މެޗުން 56 ޕޮއިންޓާ އެކު އެވެ. ޔުނައިޓެޑް ދެ ވަނައިގައި އޮތީ 31 މެޗުން 63 ޕޮއިންޓް ހޯދައިގެންނެވެ. އެއް ވަނައިގައި އޮތް މެންޗެސްޓާ ސިޓީ އަށް ވަނީ 32 މެޗުން 74 ޕޮއިންޓް ލިބިފަ އެވެ.

ލަންޑަން އޮލިމްޕިކް ސްޓޭޑިއަމްގައި ކުޅުނު މެޗުގެ ފުރަތަމަ ހާފުގައި ވެސްޓް ހޭމްގެ ޖެސީ ލިންގާޑް ވަނީ ދެ ގޯލު ޖަހައިފަ އެވެ. ޔުނައިޓެޑްގެ ލޯން އެއްބަސްވުމެއްގެ ދަށުން ޖެނުއަރީ މަހު ވެސްޓް ހޭމްއާ ގުޅުނު ލިންގާޑް ވަނީ އޭގެ ފަހުން ތަފާތު މޮޅު ކުޅުމެއް ދައްކައި އަށް ގޯލު ޖަހައިފަ އެވެ. ދެ ވަނަ ހާފްގެ ކުޅުން ފެށިތާ ތިން މިނިޓްތެރޭގައި ޖެރޮޑް ބޮވެން ވަނީ ވެސްޓް ހޭމް އަށް ތިން ވަނަ ގޯލެއް ޖަހައިދީފަ އެވެ.

Advertisement
ލެސްޓާ ކޮޅަށް ގޯލު ޖެހުމަށް ފަހު ލިންގާޑް އުފާފާޅުކުރަނީ.-- ފޮޓޯ: އޭއެފްޕީ
ލެސްޓާ ކޮޅަށް ގޯލު ޖެހުމަށް ފަހު ލިންގާޑް އުފާފާޅުކުރަނީ.-- ފޮޓޯ: އޭއެފްޕީ

ލެސްޓާ ކޮޅަށް ގޯލު ޖެހުމަށް ފަހު ލިންގާޑް އުފާފާޅުކުރަނީ.-- ފޮޓޯ: އޭއެފްޕީ

މި ވަގުތު ރަނގަޅު ފޯމެއްގައި ހުރި ލެސްޓާގެ ނައިޖީރިއާ ފޯވާޑް ކެލެޗީ އިހެނާޗޯ ވަނީ ފަހުން ދެ ގޯލު ޖަހައިފަ އެވެ. އެކަމަކު ވެސްޓް ހޭމް އިން ވަނީ ލީޑުހިފަަހައްޓައި މެޗުގެ ތިން ޕޮއިންޓް ހޯދައިފަ އެވެ.

ޓޮޓެންހަމް ދަނޑުގައި ކުޅުނު މެޗުގައި ޔުނައިޓެޑުން ވަނީ އެޑިންސަން ކަވާނީގެ ގޯލުން ލީޑުނަގައިފަ އެވެ. އެކަމަކު ވީޑިއޯ އެސިސްޓަންޓް ރެފްރީ (ވީއޭއާރް) އިން ބެލުމަށް ފަހު ރެފްރީ ވަނީ އެ ގޯލު ބަލައިނުގަންނަން ނިންމައިފަ އެވެ. އެއީ ޔުނައިޓެޑްގެ ސްކޮޓް މެކްޓޮމިނޭއި ޓޮޓެންހަމްގެ ސޮން ހެއުން މިން އަށް ފައުލުކުރިކަމަށް ބެލުމަށް ފަހު އެވެ. މެޗުގެ 40 ވަނަ މިނިޓްގައި ޓޮޓެންހަމަށް ލީޑުނަަގައިދިނީ ލޫކަސް މޯރާ ހުސްކޮށްލާފައި ދިން ބޯޅައަކުން ސޮން އެވެ.

ޔުނައިޓެޑް މޮޅުވީ ދެ ވަނަ ހާފުގައި ޖެހި ތިން ގޯލުންނެވެ. އެ ޓީމަށް އެއްވަރުކޮށްދިނީ 56 ވަނަ މިނިޓްގައި ފްރެޑް އެވެ. މިއީ މިދިޔަ ދެ އަހަރު ތެރޭ ލީގުގައި ފްރެޑް ޖެހި ފުރަތަމަ ގޯލެވެ. އޭގެ ފަހުން ޓޮޓެންހަމަށް އަލުން ލީޑުނަގައިދޭން ސޮން ފޮނުވާލި ބޯޅައެއް ޔުނައިޓެޑްގެ ގޯލުގައި ހުރި ޑީން ހެންޑަސަން ވަނީ މަތަކޮށްފަ އެވެ.

ޔުނައިޓެޑް ކޮޅަށް މެޗު އަނބުރާލުމުގައި ބަދަލުކުޅުންތެރިއެއްގެ ގޮތުގައި ކުޅެން އެރި ޒުވާން ފޯވާޑް މޭސަން ގްރީންވުޑް މުހިއްމު ދައުރެއް އަދާކުރި އެވެ. ކަވާނީ މެޗުގެ 79 ވަނަ މިނިޓްގައި ޔުނައިޓެޑަށް ލީޑުނަގައިދިން ގޯލު ޖެހީ ގްރީންވުޑް ނެގި ހުރަހަކުން ބޮލުންނެވެ. އަދި އިތުރު ވަގުތުގެ ހަ ވަނަ މިނިޓްގައި ޕައުލް ޕޮގްބާ ދިން ބޯޅައަކުން ޔުނައިޓެޑްގެ ތިން ވަނަ ގޯލު ޖެހީ ގްރީންވުޑް އެވެ.

މިއީ ޓޮޓެންހަމްގެ ކޯޗު ހޯސޭ މޮރީނިއޯ ލީގުގެ މެޗެއްގައި އަމިއްލަ ދަނޑުގައި ޔުނައިޓެޑް އަތުން ބަލިވި ފުރަތަމަ ފަހަރެވެ. އަދި ޔުނައިޓެޑުން ވަނީ މިރޭގެ ނަތީޖާއާ އެކު ލީގުގައި ރަށުންބޭރުގައި ބަލިނުވެ 23 މެޗު ހަމަކޮށްފަ އެވެ.

އަނެއްކޮޅުން މި ބައްޔާ އެކު ގަދަ ހަތަރެއްގެ ތެރޭގައި ލީގު ނިންމާލުމަށް ޓޮޓެންހަމުން ކުރާ މަސައްކަތުގައި ވަނީ އުނދަގޫތަކަކާ ކުރިމަތިވެފަ އެވެ. ޓޮޓެންހަމް އޮތީ 31 މެޗުން 49 ޕޮއިންޓް ހޯދައިގެން ލީގުގެ ހަތް ވަނައިގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox