ސެވިއްޔާ އިން އެތުލެޓިކޯ ބަލިކުރުމުން ބާސެލޯނާ އަށް ބޮޑު ފުރުސަތެއް

Apr 5, 2021, 3:34 AM
ރޭގެ މެޗުގެ ތެރެއިން އެތުލެޓިކޯ މެޑްރިޑްގެ ކުޅުންތެރިން.-- ފޮޓޯ: ގެޓީއިމޭޖަސް

ރޭގެ މެޗުގެ ތެރެއިން އެތުލެޓިކޯ މެޑްރިޑްގެ ކުޅުންތެރިން.-- ފޮޓޯ: ގެޓީއިމޭޖަސް

ސެވިލް (އޭޕްރީލް 5) - ސްޕެނިޝް ލީގުގައި ރޭ ސެވިއްޔާ އިން 1-0 އިން ލީގުގެ އެއް ވަނައިގައި އޮތް އެތުލެޓިކޯ މެޑްރިޑް ބަލިކުރުމުން އެ ޓީމާ ދެމެދު އޮތް ފަރަގު ކުޑަކުރަން ލީގުގެ ތިން ވަނައިގައި އޮތް ބާސެލޯނާ އަށް ފުރުސަތު ލިބިއްޖެ އެވެ.

އެތުލެޓިކޯ އެއް ވަނައިގައި އޮތީ 29 މެޗުން 66 ޕޮއިންޓާ އެކު އެވެ. ދެ ވަނައިގައި އޮތީ ހޮނިހިރު ދުވަހުގެރޭ އެއިބާ ބަލިކުރި ރެއާލް މެޑްރިޑް އެވެ. ރެއާލުން އެއިބާ ބަލިކުރީ 2-0 އިންނެވެ. ތިން ވަނައިގައި ބާސެލޯނާ އޮތީ 28 މެޗުން 62 ޕޮއިންޓާ އެކު އެވެ. މިރޭ ރެއާލް ވަލޮޑޮލިޑް އަތުން ބާސެލޯނާ މޮޅުވެއްޖެނަމަ އެއް ވަނައިގައި އޮތް އެތުލެޓިކޯއާ އެއް ޕޮއިންޓަށް ގާތަށް ޖެހިލެވޭނެ އެވެ.

ސެވިއްޔާގެ ދަނޑު ސަންޗޭޒް ޕިޗުއާންގައި ރޭ ކުޅުނު މެޗުގެ ފުރަތަމަ ހާފުގައި ސެވިއްޔާގެ ލޫކަސް އޮކަމްޕޯސް ޖެހި ޕެނަލްޓީ އެތުލެޓިކޯގެ ކީޕަރު ޔެން އޮބްލަކް ވަނީ މަތަކޮށްފަ އެވެ. ސެވިއްޔާގެ ހަމައެކަނި ގޯލު ޖެހީ މެޗުގެ 70 ވަަނަ މިނިޓްގައި އަކޫނިއާ އެވެ. އޭނާ މި ލަނޑު ޖެހީ ހެސޫސް ނަވާސް ތަނަވަސްކޮށްދިން ފުރުސަތެއްގަ އެވެ.

އެތުލެޓިކޯ އަށް ލަނޑު ޖަހައިދޭން އެންމެ ރަނގަޅު ފުރުސަތުތައް ލިބުނީ މާރިއޯ ހާމޯސޯ އާއި އެންހެލް ކޮރެއާ އެވެ. އޭރިއާތެރެއިން ހާމޯސޯ ޖެހި ބޯޅަ ހުރަސްދަނޑިމަތިން ބޭރަށް ދިޔައިރު, އިތުރު ވަގުތުގައި ކޮރެއާ ޖެހި ބޯޅަ ސެވިއްޔާގެ ގޯލްކީޕަރު ޔަސީން ބޯނޯ ވަނީ މަތަކޮށްފަ އެވެ.

މިއީ ލީގުގެ އެއް ވަނައިގައި އޮތް އެތުލެޓިކޯ މެޑްރިޑް މި ސީޒަނުގައި ލީގުގައި ބަލިވި ތިން ފަހަރެވެ. މެޗަށް ފަހު އޮތް ނޫސްވެރިންގެ ބައްދަލުވުމުގައި އެތުލެޓިކޯގެ ކޯޗު ޑިއޭގޯ ސިމިއޯނީ ލީގުގެ ރޭހުގައި އަދިވެސް އެ ޓީމު ލީޑުގައި އޮތުމުން ހާސްވެ ކަންބޮޑުވާން ޖެހޭ ހާލަތެއް ނެތް ކަަމަށެވެ.

އަންނަ މަހު ނުވަ ވަނަ ދުވަހު ބާސެލޯނާ ދަނޑުގައި އެތުލެޓިކޯ ކުޅޭ މެޗަކީ ލީގުގެ ގޮތެއް ނިންމާނެ މެޗުތަކަށް ގިނަ ބަޔަކަށް ގަބޫލުކުރެވުނު ނަމަވެސް އޭގެ ކުރިން ނޫނީ އޭގެ ފަހުން ވެސް ގިނަ ކަންތައްތަކެއް ބަދަލުވާނެ ކަމަށް ސިމިއޯނީ ބުންޏެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox